Sunday, December 2, 2007

من جمال التجارب



بينفع ننسي من غير ما نقسي حاجات كتير ساكنه الضمير
وممكن كمان نمسك العصاية من النص من غير تفريط
بتبقي نعمة من غير جديد براك الحكاية بس بتكمل جواك
بتتعرف علي مساحات أعمق في أحاسيسك زي ما تكون بتتعلم برهان نظرية
لأول مرة
علشان تحل تدريبات كتاب المدرسة
وبتشوف فيك أدوات جديدة وارد جدا تكون بتظهر لأول مرة
ويجوز تتحول لسلاح باتر في لحظه حاسمة في حياتك
هو دا جمال التجارب
وفهم رسائل ربنا
بعد أي موقف سواء كان أزمة أو مصيبة
أوشيء خفيف لايحتمل مصطلحات كهذة
ولكنة يمثل تحدي ما
فليس كل مرحلة تستحق التوقف والتعلم في حياتنا هذة المرحلة المصحوبة بألم وحزن
يجوز جدا ان تكون تجارب ذات مستوي عالي وهزتك وفي نفس الوقت لم تمسك بسوء
الترككة هنا ان بعد التجربة دي بنبتدي نشكر ربنا من أكتر من بعد
واحد منهم بيكون الحمد لله انا الان تمام
أو الحمد لله بتوون" الله جاب الله خد الله علية العوض" ...........كسرة يعني
ولا أقصد هذا ولا ذاك بل أقصد الحمد لله من زاوية فهم المقصد والرسالة بإمتنان
يعني انا حاسس اني مبسوط اني ذقت الهم مش حبا في الهم اد ما هو النضج بعد المرور بالتجربة
مهما كان النضج بسيط
وسواء كان النضج دا نضج إحساسك بالواقع أو بالله أو بنفسك
لان مافيش حاجة بتحصل صدفة سبق في علم الله عنا جميعا كل ما يتعلق بنا
بس المشكلة بقي في اية....................أن الشيطان
بيحاول يسحب الرضا عن ما حدث من قلوبنا حتي لا
نصل لمرحلة التوكل التي تتبعها مرحلة الرضا عن الله في أفعاله بنا
وكل من الثلاثة أحاسيس دول مهمين لعمق الاحساس بالله
ولو ركزنا نفسيا في النقطة دي هنشعر بجنة ربنا علي الأرض إحساس بيملئ علينا الدنيا
ممكن يكون بعضنا حاول يدور علي الإحساس دا مع الناس ومهما كانوا حنينين عليك هتحس ان ناقصك شئ
هو دا الفراغ الذي لا يملئه إلا الحب المتبادل بيننا وبين الله
بتحس انك مش لوحدك لأن هناك عظيم بجوارك ليس بحبه لك فقط بل بحكمته وعلمه أيضا
فمثلا:
ممكن تكون في مرحلة ما وخلاص قررت مش هكمل مش هينفع فإذ بنورينورلك من بعيد يلطف الامور
لو كبر الموضوع في دماغك وممكن النور دا يطلع وهم أو لا يصل اليك
بس كانت طاقه لتهدئة أمورك بينك وبين نفسك

الصورة تعني كثيرمن الأ فكار بداخل الموضوع
فكرت أكتب العلاقة دي في سطرين بس سيباها ليكم
أكيد هتضيف علي اللي عندي

56 comments:

WhItE HeArT said...

مش عارف ليه الاسبوع ده حظي دايما ماشي فإني اكتب الكومنتات الاول يمكن هكسب جايزة قريب او حاجة نقول يااارب


عموما الحمد لله اني فهمت وفعلا الموضوع جميل وفعلا وجهة نظر رائعه وتحسس الواحد ان مفيش مشاكل خالص وتقرب قوي من ربنا الخلاصه ان الموضوع ماشاء الله حلو قوي


عموما انتي ازيك وايه اخبار شغلك

وايه اخبار محافظتنا الهاديه اللي مفيهاش صداع ولا خناقات معاكي

بالمناسبه ياربت تكتبي العلاقه في سطرين لإني اعتقد ان محدش هيطلع العلاقه

انا كنت زمان بحب فوازير بتاعة طلع خمس اختلافات بين الرسمتين وحاجات زي دي بس عمري ماجبت وجه الشبه صح

تحياتي ليكي

الخيط الرفيع said...

منور يا ويت
والحمد لله انك فهمت اخيرا
ومحافظتكم مبهدلاني
انا مش هينفع اوصفلك الي بيحصل
منورني
والحمد لله الامور تمام هي لسه ما اتحلتش بس علي الأقل لم تتعقد تماما
دعواتك
ويسلم لي سؤالك

مـحـمـد مـفـيـد said...

دائما المشاكل والمعانه ما تلد داخلنا شعور قوي للتغلب عليها
ولكن لابد من تدبرها جيدا

mohamed emera said...

السلام عليكم
بوست رائع وفى غايه الاهميه
الرضا فعلا جنه جنه الدنيا جنه الحياة
ومعاكى حق فى الكلام اللى اثر فيا قوى

الحب المتبادل بيننا وبين الله
بتحس انك مش لوحدك لأن هناك عظيم بجوارك

عظيم بجوارك جبار بجوارك رحيم بجوارك
ياااااااااااااه
الحمد لله على نعمه الاسلام وكفى بها نعمة
اللهم ارزقنى الرضى
شكرا على الكلام الجميل دا
تحياتى

حياة الأحلام said...

السلام عليكم

ازيك يا قمر ..أنتى كمان وحشتنى بجد

والبوست جميل بجد زى الأسم اللى كاتبه من جمال التجارب

وأنتى يمكن حاولتى تختصرى العلاقه فى أننا نرضى بجد من قلوبنا والعلاقه لسه فيها كلام كتير

بس انتى قدرتى توصلى لكتير منها وأهمها اللى هو الرضا

الرضا الحقيقى اللى قلوبنا وأننا نعرف أن كل اللى بيحصل لينا هى رسائل ربانيه بينا وبين ربنا

وأن الرضا من أجمل الاشياء بس الرضا مش مجرد قول الحمد لله
الرضا اننا بجد نكون بنقول الحمد لله ربنا بيختار الخير لينا وأننا اكيد اتعلمنا حاجه كويسه من التجربه دى

الحمد لله على كل شىء

جميل منك تفكرينا بالعلاقه دى

دايما من مواضيع اجمل لاجمل

سلااااام يا جميله

ولــــــــــو said...

انا بصراحه لسه قاري كومنت ليكي هند حد عزيز عليا جدا وبعدين قريت الرد بتاعه واكتشفت ان كان فيه موضوع او سوء تفاهم واتبعه تصرف مش بيعبر عن اللي جواكم انتم الاتنين وبعدين لقيتك كاتبه البوست ده فحسيت ان المواضيع مترتبه على بعض شويه
المهم انا باحييكي على الكلام جدا وان كان محتاج حد دماغه بيور علشان يقدر يوصل للمعنى المقصود
عارفه احنا لو وصلنا لحاله الرضا دي كانت الدنيا مش بقى ليها معني لكن الانسان سبحان الله دايما مش بيتعلم من تجاربه ولا بيرضى بقضاء ولا حتى بيصبر الا من رحم ربي وبالتالي نكتشف ان احنا اللي بنتعب انفسنا
اتمنلى ان كل حد يقرا البوست ده يتمعن ف المعنى من وراه ويفهمه بجد واكيد هايلاقي حلول كتير لمشكلاته
انا باشكرك واتمنالك كل خير وان الصداقه اللي بينك وبين الحد اللي اعرفه تستمر علشان انتوا الاتنين تستاهلوا تعرفوا بعض
تحياتي واسف للاطاله

أشـيـاءٌ لا تُـشتـرى said...
This comment has been removed by the author.
ثورة said...

حلو البوست ده
فيه شعور بالانتعاش كده
هههههههههههه
والله بتكلم جد
هو ده اللى بتحسه بعد ما بتفهم تجربة صح
كبيرة او صغيرة او يمكن تبان لغيرك انها هايفه حتى
أو انها كبيرة قوي عليك وسايباك من وراها محطم

اضحك عليهم بينك وبين نفسك وقول عليهم هبل
مش فاهمين
وانت فاهم
وشايف
واتعلمتها صح

خد نفس عميييييك
الحمد لله
:)

رينـــــــــــا said...

السلام عليكم
عارفه انا اكتر حد حاسه بالكلام دا جدا لانى مريت بيه
وسبحان الله حاسه ان البوست دا رساله ربنا بعتها ليا
جزاك الله خيرا كثيرا بجد

الخيط الرفيع said...

محمد مفيد

اولا اهلا بحضرتك ويارب يكون البلوج عجبك
ومعاك قوي اننا لازم نتدبر ألأمورنا جديدا علشان لو احنا ما تدبرنهاش مش هتلاقي اللي يتدبرها

الخيط الرفيع said...

محمد
حياة قلب وعينان
شكرا علي كلامك وشكرا علي زيارتك
وحاجة مهمة قوي بالنسبة ليا ان الكلام يعمل تأثير
معاك كل الحق الحمد لله علي نعمة الاسلام وكفي بها نعمة
والحمد لله ان الفتن اللي بنتعرض ليها في الحياة بعيد عن الفتنة في الدين لان كل حاجة بعد كدا وقبل كدا
بتروح وتيجي وكمان بتكون


"وقتيه ونسبية"
نورتني

الخيط الرفيع said...

حياة الاحلام

صديقتي العزيزة
العبارة دي عجبتني منك قوي:

الرضا الحقيقى اللى قلوبنا وأننا نعرف أن كل اللى بيحصل لينا هى رسائل ربانيه بينا وبين ربنا

وبالنسبة اني اختصرت العلاقة في الرضا ان أقصد المرحلة من الرضا اللي بنصل ليها في الاخر خالص
ولو تلاحظي انا ذكرت نوع اولي من الرضا ونوع نهائي
النوع النهائي انا شيفة فية المعني بتاع وما خلقت الجن والانس الا ليعبدون العبادة اللي هي ماهية العبادة مش المحافظة علي الطاعة والبعد عن المعصية لاننا ما خلقنا نطيع ونمتنع فقط الموضوع شامل وشموله بيخلينا نختار الاختيار القلبي النفسي العقلي
بصي انا شكلي هطول قوي وهقعد اطلع وانزل وفي الاخر هربط ثلاثة مواضيع ببعض
خليها بوست ببوست أحسن

الخيط الرفيع said...

ولو

مش عارفة أبتدي واقول ايه
بس هو مفيش سوء تفاهم اطلاقا بيني وبينها وما أظنش هيكون لاني لم أجد في حياتي حد زيها
بس ممكن تسمي في سوء تفاهم بين الدنيا وبينا احنا الاتنين

والموضوع اننا بنشوف الحياة من شباك واحد الشهرين الاخرنين دول

.....................
اما بقي بالنسبة لان الكلام حلو ومحتاج حد بيور
ههههههههههههههه
مش عارفة دا مدح ولا ما علينا
..................
الدنيا هيكون ليها معني احلي واعمق لو وصلنا للحالة دي بدري
لان كتير بيوصلو بس متأخر
كان في قصة في ايدي من اسبوعين أسمها الافق المفقود
جابت امثلة لناس وصلو للمرحلة دي فقرروا استقبال الموت بروح عالية
وناس تانية بتهرب بشكل فلسفي من الموت لحد ما تحس انها وصلت لمرحلة الرضا عن النفس
وأتكلمت عن الناس عايزة عمرلية؟؟؟؟ لمجرد العمر ولا عاوزة عمر علشان تحقق ما تريد
علشان تحصل علي هذا الشعور بالرضا

فالرضا في الثقافات الغربية فلسفة حياة بيسعوا للوصول اليها
وانا شيفاها عندنا شئ عقيدي
مرتبط بحبنا لله وبالتالي حبنا للحياة.............
وانا في الاخر بضم صوتي لصوت حضرتك
واتمني ان الصداقة اللي بيني وبينهاتستمر
لانها فعلا نعمة من ربنا
وحد كدا قل ان تجد مثلة
بجد انا شفت ناس كتير وتعاملت مع بشر كتير لكن قليل لما تحس بانسانية حد

الخيط الرفيع said...

دودي
يو بقي
بوست حلو دا شئ اساسي
لو انتي ما جملتيش سيادتي مين هيجملني
يا سلام علي الثقة
كلهم هبل وانا بس اللي فاهم
ما أظنش ان في حد كدا
او يمكن انا مش فاهمة انتي تقصدي ايه

انا اسفة
مش هقولك علي ايه
درس كدا كنت واخداه من ابويا
في ان ممكن اللي اقدامك ما يكنش واخد باله من حاجة غبيه عملتيها وانا اللي الفت نظرة ليها
فعلشان كدا بج سوري بس خلاص

الخيط الرفيع said...

رينا وحلم ليلة صيف
عندنا يا مرحبتين
بس ايه دا يا خبااااااااااااااار
رساله من ربنا عن طريقي انا
ربنا يجبر بخاطر سيادتك
بجد انا سعيدة قوي انك حسيتي الكلام
لانه فعلا عاوز يتحس ما يتفهمش
وبالذات الحته بتاعة النور الوهمي
شكرا علي اهتمامك ومتابعتك الدائمة

قلب ينبض لله said...

كلامك حلو اوي وله مضمون وهدف

والبلوج بتاعك رقيق جدا

واحب أضيف علي كلامك

"أجمل ما في المصيبه ان نقول الحمد لله

الخيط الرفيع said...

قلب ينبض لله
الاسم دا بجد عبقري
منوراني واهلا بيكي دائما
ومعاكي مفيش أجمل من قول الحمد لله ولا أعمق من الاحساس بأن الحمد لله
والحمد لله طبعا ان البلوج عجبك

ثورة said...

اعترفي

ايه هي الحاجه دي ؟

ومتخفش أنا قلبي كبير
وبيعدي كتير

:D

هههههههههههههه

الخيط الرفيع said...

ما عليكي انا بس اللي بكبرها حبتين
الحمد لله براءة
انا بردو قلتلي ابطل الحساسية دي
يا ابو قلب كبير مستنياكي بكرة

Wish I were a Butterfly ... said...

حبيبتي

سامحيني أوي... عارفة اني متأخرة جدا في تعليقي. بس....مممم... بصراحة بأة انت عارفة ان كتاباتك بتكون محتاجة تركيز و دماغ نضيفة اوييي، و حاجات كدة. و دي يمكن في اغلب الوقت مش موجودة لأن ماما مابتصدق شغلي يخلص و يتقوللي "تاني كمبيوتر؟!!" فبحاول مش اقعد كتير عليه عشان خاطرها :)

بس أوعدك هحاول في خلال ال3 ايام الجايين... لأني بجد بحب كلامك اوي، و بتعلم منك أساسا! اللي اقدر اقوله في الوقت الحالي هو ان صورة البوست شدتني جدا جدا، و حسيت فيها بأحاسيس كتير اوي. مش تسأليني ليه :)

تحياتي.... وحشتيني اوييييييي.... و هاجي تاني :p

الخيط الرفيع said...

بيبو حبيبتي
هو احنا نقدر علي زعل طنت
خليكي جمبها هي محتجالك
ويارب ما اكون دبستك يوم الخميس
انا كنت بتصل علشان كدا
بس توارد خواطر
ههههههههههههههههه
خليكي علي راحتك

روح said...

البوست بتاعك دة اكيد هون
علي ناس كتير بجد والله
مش كلام بيصبر الموجوع واللي الدنيا
متقفلة في وشة زي ما بيقولوا
بوست جميل وكلنا مرينا
بظروفة ولسة هنمر
وربنا يستر بقي
علي فكرة انتي وحشاني اوي
خلي بالك من نفسك
بحبك في الله

الخيط الرفيع said...

روح عندنا
فينك معتزلة من زمان وحشني تواجدك في حياة البلوجات
يارب تكوني بخير
انا معاكي
بس فكرة يكون عندنا فلسفة نقدر نعيش بيها في أصعب الظروف وأجملها
بإتزان
لا نفرح فرح الشعننه والغرور بالنعم
ونقفل تقفيل اليأس والاحباط من المشاكل
ودمتيلي بخير

مؤمنه said...

السلام عليكم ورحمة الله وبركاته
الاول اعلق على الصوره
من وجهة نظرى البحر دى هو تجارب الحيه والى طالع منه هو استمدادنا من هذه التجارب حتى نستطيع ان نكمل الطريق صحيحا
وبعدين تعليق ع البوست
اوقول الحمد لله على نعمة الاسلام اولا ثم ما ياتى بعد ذلك خير
فقد قال رسولنا الكريم فيما معناه (عجبا لامر المسلم ان امره كله خير اذا اصابه خير شكر فكان خير له واذا اصابه ضرر صبر فكان خير له )صدق رسول الله صللى الله عليه وسلم
ما علينا فقط هو ان نملا بهذه المعانى قلوبنا لنحيا بها ونحيا معها سعداء
بوست هايل تربت يداكى والكلام فيه ما بيخلصش
ويارب اكون وفقت فى التعليق
جزاكى الله كل خير والسلام عليكم ورحمة الله وبركاته

مؤمنه said...

السلام عليكم ورحمة الله وبركاته
أدعوكى لمشاركتنا فى مناقشة بوست ولماذا قالوا معا
يهمنى رأيك جدا
والسلام عليكم ورحمة الله وبركاته

مروة الزارع said...

الله بجد
عارفة انا بمر بأزمة فى حياتى
البوست دة أدانى أحساس بالأمل
بجد جميل

اتمنى تزورينى

truelove said...

تعرفي ياقمرية أنا دايماشايفة أن أي أمور بتمر بينا في حكمة من وراها حتى المعصية لما بنقوم بيها بيبقي في هدف منها اننا نراجع نفسنا ونوطد علاقتنا بربنا ويايرت تكون كلتجاربنا بالنسبة لينا محطة للانتقال لمرحلة اخري وليس موقف نقف فيه مكتوفي الايدي معصوبي الاعين سلامي ليكي ياقمرية

sakayar said...

أصبحت أكتفي بالسكوت والبسمة بدون تعليق
بس كتير بيفتكروني بعمل كده احتقار او تقليل من شأنهم
على فكرة حلو أوي انك بتشوفي من التجارب جمالها ومش بتقفي عند مساوئها لإن ده التفكير الصح ... مش لسه هفكر واقول ده وحش في كذا وكذا وياريت كذا ... مع الالتفات طبعا للمساويء لإلى تكون مؤثرة في الطريق
حتى مع الملتزمين والعصاة فيه فايدة من تجربة المعصية ...مقصدش طبعا نعمل المعصية علشان نستفيد ..لأ أقصد إن اللي عمل معصية ودخل في طاعة فادته المعصية دي بعد كده في إنه اكتشف حلاوة الطاعة بخلاف نقطة انقلها حرفيا عن الشيخ محمد حين يعقوب قال: اوعى تفتكر الواد اللي التزم وربى لحيته وبدأ يخش الجامع ويصلي ده ماضيه اتمسح بأستيكه ... لأ ده ماضيه ده بيشكله العقل الباطن اللي من خلاله بيبدأ يشوف طريقه.. ا هـ انتهى كلام الشخ على كده
بس الجميل انك وانت عايش التجربة تسمع اكتر وتشوف اكتر علشان أكيد هتنستفاد أكتر ... ده لو اتأنيت أكتر
وليه تسرع أكتر لما ممكن تسرع أقل ههههه
تحياتي

Wish I were a Butterfly ... said...

حبيبتي روفي

قعدت كتير أوي ادام البوست دة مش حاسة اني عارفة اعبّر. بس بجد.... حلو أوي . و حسيته أوي

يمكن عشان...زي مابتقولي احنا الاتنين بقالنا فترة بنبص للدنيا من شباك واحد للأسف. بس أعتقد انك بالبوست دة قدرتي تطلعي برة الحدود اللي انا مش عارفة اطلع منها، و قدرتي تفكري صح و تستفيدي من اللي بيحصل حوالينا

مرحلة الرضا و التوكل اللي اتكلمتي عليها دي جميلة أوي...مش عارفة أوصل لها في الوقت الحالي، لكن ان شاء الله هقدر اوصل قريب

صحيح كل تجربة بنمر بيها مهما كانت صغيرة أو كبيرة بيكون فيها حاجات جميلة أوي تسعدنا، بس لو احنا دورنا حوالينا كويس هنلاقيها. . لأن ربنا مش بيسيب حد يغرق أبدا ..ودايما بيساعدنا و بينورلنا طريقنا "ولو بحاجات بسيطة ساعات" بس احنا اللي مش بناخد بالنا

بجد بوست رائع :) و حسيت "جمال التجارب" اللي قلتي عليه أوي. الحمدلله على كل حال

و لو اتكلمنا على الرسايل من ربنا :) .. كفاية أوي عليّ ان ربنا رزقني بأخت جميلة أوي و حبيتها أوي من أول ماشفتها... رزقني بيها في وقت فعلا كنت محتاجة ناس كتير أوي حواليا

الحمدلله انك صحبتي ياروفي :) يارب أشوفك تاني في يوم من الأيام


بوست رااااائع زي كل البوستات بتاعتك من غير مجاملة، بس فلسفي و محتاج دماغ فاضياله :) و دة صعب


بتمنالك كل الخير و السعادة بجد
سلام عليكم

الملاح التائه said...

تجربك آلمتك
تجربه علمتك
وأكثرنا تألما
أكوفرنا حظا من الحكمة في الحياه
لكن هذا الرأي ليس مطلق
فنحن كثيرا ما نتألم
ولا نتعلم
قيل إن التجربه أفضل معلم حيث لا تسمح لأحد بالإنقطاع عن الدراسه

dr.Roufy said...

كلام رائع ياروفي..بجد ربنا يكرمك
ماقلتي ليش بقى طلع اسمك زيي ولا لاااا
كل سنة وانتي طيبة
:)

Romantica said...

السلام عليكم ورحمة الله وبركاته
--------------------------
أولا كل عام وانت بخير بمناسبة عيد الأضحى

وأكرمك الله ووفقك وسددك في كل اعمالك باذن الله

وسعيد جدن بمقابلة الوالد ذاك الرجل المحترم الذي أجله واحبه في الله

أرجو ابلاغه تحياتي وتهنئتي بالعيد أعزه الله وبارك فيه
______________________________________
التجارب بحلوها ومرها حجر من احجار بناء قواعد شخصية الفرد
فالطفل يولد بلا ملامح لشخصيته وكل تجربة يمر بها تنحت ملمح من ملامحه الشخصية
وتدفعه للتصرف الفوري في اي تجربة مماثلة
كالتطعيم للجسم حتى يستعد لمواجهة الفيروس الحقيقي


وطبعا بالنسبة للحمد فهذا هو الاختبار الحقيقي وهذه هي الفتنة


أحسب الناس ان يتركوا ان يقولوا آمنا وهم لا يفتنون



فالتجربة القاسية هي امتحان لمعادن البشر
من يشكر ومن يكفر
والحمد من منطلق وعسى ان تكرهوا شيئا وهو خير لكم


وطبعا ليس هناك بديل عن الرضا بافعال الله بنا

Romantica said...

فلو نظرنا الى كل امورنا الحياتية من ذاك المنطلق وتدبرنا تجاربنا من جانبها التعليمي فلن يحزن احد للاحداث التي تعرض له

فلو خرجنا من كل تجربة قاسية بفكرة جديدة فما خرجنا خاسرين

Romantica said...

ياريت تعلقى حضرتك على ملهمة

وكل عاو وانت بخير



تحياتي

Wish I were a Butterfly ... said...

بس عديت تاني عشان أقول لك كل سنة و انت طيبة

يارب دايما تكوني مبسوطة وراضية

سلام عليكم يا حبيبي
:)

مؤمنه said...

السلام عليكم ورحمة الله وبركاته
يارب تكونى بخير مشتاقينه الى عودتك سالمه ولكتاباتك الممتعه
وكل عام وانتى بكل خير
والسلام عليكم ورحمة الله وبركاته

الخيط الرفيع said...

مؤمنة
وعليكي السلام والرحمة يا قمري
شكرا علي التعليق علي الصورة ما حدش عملها قبلك

وفعلا الحمد لله علي نعمة الاسلام
طبعا وفقتي وشكرا علي مشاركتك الدائمة

الخيط الرفيع said...

تشرفني زيارتك ليا وتسعدني زيارتي ليكي يا مروة
وبالنسبة انك بتمري بأزمة فألف سلامه عليكي يارب تخرجي منها أكثر قوة وأصلب عودنا
والله هدعيلك كتير ربنا يخرجلك رحمة ويرضيكي ويجبر بخاطرك
وهعملك بوست عن الامل وعد بجد
خلي بالك من نفسك وراعيها كويس قوي لان ما حدش هيقدر يمدك بالقوة والاستمرار غيرك
عيشي بالامل ما تخليهوش هدية تيجي بالصدفة
حاولي تحافظي علية بين ضلوعك لان حرميته كتير
والله انا سعيدة جدا ان البوست فرق معاكي
بحس وانتو بتقولوا كدا ان البلوج بيحقق أهدافة
اللي منها اننا نتواصل مع بعض ونقوي بعض لاننا في الاول والاخر اخوات يا اخوات في الدين يا في الوطن يافي اللغة علي الاقل
نورتيني

الخيط الرفيع said...

true love

معاكي والله في كل حرف بس النقطة في البصيرة اللي نستحق بيها الفهم
ربنا يرزقك ويرزق اخواتي حسن الفهم عن الله
بجد نورتيني وهعدي عندك قريب
ماتحريميناش من تكرار الزيارة

الخيط الرفيع said...

أصبحت أكتفي بالسكوت والبسمة بدون تعليق
...............
بكفاية والله ان الكلام الناس تشوفة
واكيد البسمة شهادة نعتز بيها والله

.........
بس كتير بيفتكروني بعمل كده احتقار او تقليل من شأنهم

بس في دي حاشاك وكلاك فلست بهذا الرجل
.........

ماضيه ده بيشكل العقل الباطن اللي من خلاله بيبدأ يشوف طريقه..

العبارة دي عميقة جدا
لاننا عبارة عن مجموعة تجارب وظروف وتربيه وبشر تانية شفناهم
وحاجات حلو طلعت مننا بالصدفة أو رزقناها
او معاصي أعادت تشكيل علاقتنا بربنا
وكل دا يعمل في الاخر كل واحد فينا
حاجة كدا زي البصمات ما بتتكررررش
شكرا علي الاضافة ودائما كدهو مستفدين من قرياتك وسمعاتك

الخيط الرفيع said...

حبيبتي بيبو
اولا ازيك يا اغلي وأعز الناس
يا بلسم حياتي الجديدة يارب اشوفك دايما سعيدة سالمه من كل هفوه

..................
بس أعتقد انك بالبوست دة قدرتي تطلعي برة الحدود اللي انا مش عارفة اطلع منها، و قدرتي تفكري صح و تستفيدي من اللي بيحصل حوالينا

دا كلامك

وانا اعتقد انك ادها بس ادي لنفسك فرصة خدي اجازة وارجعي نوري دنيتنا جميعا
انا ساعات بحس ان مشكلتك انك ما بتتفيش النور
اطفي النور
من حقك قوي من حقك جدا
خدي وقتك وفكري في كل حاجة لوحدها
وحلي كل حاجة لوحدها
ازعلي وفكري واحسبي واجلدي نفسك بس بشويش شوية اديكي جزء من حنانك
انت اولا وبعدين كلنا كدا هتستمري مع نفسك ومعانا بشكل أفضل

......................
صحيح كل تجربة بنمر بيها مهما كانت صغيرة أو كبيرة بيكون فيها حاجات جميلة أوي تسعدنا، بس لو احنا دورنا حوالينا كويس هنلاقيها. . لأن ربنا مش بيسيب حد يغرق أبدا ..ودايما بيساعدنا و بينورلنا طريقنا "ولو بحاجات بسيطة ساعات" بس احنا اللي مش بناخد بالنا
..............
بردوا اللي فات كلامك

كفايا اننا اتقابلنا والله العظيم دي احسن حسنة جمب الحسنات الكتير
ويا بنتي والله احنا نجحنا في التجربة جدا
وقبل كدا قعدنا نعد
والدليل اننا مستمرين وبندي احسن ما عندنا
والناس كلها مبسوطة مننا
واي مكان تاني هنروحة هنروح كبار عن زمان كتير.........
يمكن الكلام الحلو اللي بقوله لسيادتك دا قولته لنفسي لاول مرة معاكي
..................
يارب تشوفيني في يوم من الأيام
ياربي عليكي
لا تعليق!!!!!!!!!!!!!!

الخيط الرفيع said...

تجربك آلمتك
تجربه علمتك
وأكثرنا تألما
أكوفرنا حظا من الحكمة في الحياه
لكن هذا الرأي ليس مطلق
فنحن كثيرا ما نتألم
ولا نتعلم
قيل إن التجربه أفضل معلم حيث لا تسمح لأحد بالإنقطاع عن الدراسه
____________________

ايوة كتبت كلامك تاني ولا تعليق علية غير يارب ما تحرمنا من تعليقاتك علي كل بوست
وبمضي علي كلامك
و حقيقي كفا بالتجارب معلم في مدرسة الحياة لعلنا نفهم اللعبة جيدا
نورتني

الخيط الرفيع said...

روفي
او لوفي
الاتنين حلوين
كل سنه وانت بألف خير ويارب تكوني موفقة في الاختبارات
ربنا معاكي
وشكرا يا دك والله انتي اللي منوراني

الخيط الرفيع said...

وعليكم السلام ورحمة الله وبركاته اخونا الكريم رومانتيك

شكرا علي الدعاء اللي انا محتاجة لية جدا
ووالله احنا كنا أسعد بمقابلة سيادتك والمناقشة معاك
_________________
البوست بقي شكلة عجبك
وانا متفقة معاك في كل الكلام
فلو خرجنا من كل تجربة قاسية بفكرة جديدة فما خرجنا خاسرين

العبارة دي بتفكرني
بحد من الفريق الله يصلح له الاحوال كان بيقولنا قبل كدا
كل تجربة فاشلة خطوة في اتجاة النجاح والنجاح بيجيب نجاح

بجد شكرا علي اهتمامك الدائم بالتعليق
شيء بيسعدني
واسفة علي التأخير وساعات قلة التعليق خالص
بس والله انا بتابع الجميع بس ما بيكونش كتير عندي كلام أقولة_

الخيط الرفيع said...

الوووووووووووووو
واحد مسطول بردوا
ماشي ياسيدتي الرقيقة
علي فكرة احنا أكتر ناس قولنا لبعض كل سنه واحنا طيبين السنادي
ههههههههههههههه
ربنا ما يحرمني منك
دعواتك وخلاص شبة زبط الامور
واجتماعنا الاحد قلبي الطيب بقي

الخيط الرفيع said...

مؤمنه
عندي اكتر من حاجة بس عايزه اعملها بلوج خاص
حسة ان البلوج دا اخد طابع معين
بيحكمني شوية الكلام فية
وهبعتلك اللينك أول ما ازبط الامور
ربنا يديم الحاجة الحلوة اللي بينا واسفة اني مقصرة بس ظروف دعواتك
احبك في الله

Anonymous said...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

قضية عم أحمد Ahmed Case said...

بوست وهمي كالعادة ..

بس ليه ما بنفعش ينفع كل حاجه ...

كل سنه وانت أطيب

Eman Eltaher said...

حكيمة و الله يا قمر

دايما موضوعاتك لها هدف و معنى جميل

وحشتينى

حبة حاجات (ايمان) said...

هو دا الفراغ الذي لا يملئه إلا الحب المتبادل بيننا وبين الله
بتحس انك مش لوحدك لأن هناك عظيم بجوارك ليس بحبه لك فقط بل بحكمته وعلمه أيضا

كلام جميــــــــــــل جدا وحسيت بيه اوى
بجد بحسدك على كلامك الل من القلب دا

الخيط الرفيع said...

CresceNet
شكرا علي الزيارة اللطيفة
وان شاء الله طبعا هزور البلوج قريب
نورتني

الخيط الرفيع said...

أحمد رفعت
عندنا نعجز عن الترحيب بسيادتكم
بجد بنتظر تعليقك
بس في الحقيقة مش فاهمة؟؟؟؟؟؟؟؟؟

بس ليه ما بنفعش ينفع كل حاجه

بالنسبة بقي للبوستات الفلسفية الوهمية فدي من انتاج سيادتكم من اول الاطفال وحرية التعبير مرورا بوردة واحدة لانسان في حياته والخ الخ
بجد انا نفسي اقعد عنك في البلوج ساعتين
بس الظرو دائما مسافرة ومطلوب مني انجاز حاجات كتيييييييييير في وقت قليل

الخيط الرفيع said...

Eman Eltahe
يا هلا يا هلا
فينك يا ايمي منذ زمن
انا عرفة اني مقصرة
وحشاني وشكرا يا قمر
انتي الي حكيمة بدم خفيف واسلوب ساخر ولطيف
شكرا علي حرصك علي التواجد

الخيط الرفيع said...

حبة حاجات
ايمان
منورة البوست بتعليقك الرقيق اللطيف
بكون مبسوطة جدا لما حته معينه من الكلام بتعجبكم
وتخرجي بيها
واكتر حاجة بتخليني اطير من الفرحة لما اشوف كلمة زي كلمتك دي
" بحس كلامك"
لاني عارفة انه اسهل لكلامي انه يتحس علي انه يتفهم
يارب بعدين اعرف اكتب كلام يتفهم مع كونه بيتحس

ابوعدي للتسوق said...

شركة مكافحة النمل الابيض بالجبيل
شركة تنظيف بالخبر

Unknown said...



شركة تنظيف فلل بالقطيف
شركة تنظيف شقق بالقطيف
شركة تنظيف مجالس بالقطيف