Saturday, November 10, 2007

إحنا البنات




إحنا البنا ت
بتظلمونا لما تلبسونا وتقلعونا وتمكيجونا
وفي الفترينات بترصصونا
وعينكم بتبقي محاكم الحته دي شيلها
والحته دي سيبها
لما خلتونا مسوخ بهله واحدة مطفيه ورضيه
تبان فيها أصالة نانسي......بتخوفونا من بكرة
وبتزرعوا بإيدكم نار حصادها في ولادكوا تلاقوه
وعلي مجتمعنا بلاها يسري
ولو تسمعوها مني تلاقوها بشهادة صريحة كل القشور بقيتوا فيها أساتذة بدرجة بهلوان
سيبتوها ليه بواطن أمورنا خلو بالكوا عليها لتضيعوها
دي هتحتجوها
في كلمة بضلمة عاتمة بهمسة حانية
تمسح دموعكم ..وتنور تزين ليالي فرحكم
في نظرة هادية تجيب أرار راحة بالكوا واستقراركم
عيدوها تاني دي حسابات
إحنا البنات مش هنسكت علي اللي فات
ليها سكة أكيد القضية
اه بس لو شوية روية ومفهومية تشوفوا من جديد نماذج أكيد راح تملي عينا
ونشوف ثمار زرع عفي في عيال وعيالات
وبرفع بصوتهم وأقول إحنا البنات
مهما لعبتوا في الرأس هيفضل فيها نبراس

مش الأنوثه دلع وحبشتكنات
لا....دي حنية بمسئولية بأمل في بكرة في حتت تسامح لخبط إمبارح
دي إحتواء مش إبتزاز لأي إحتياج
ملعونه كتبنا الجديدة اه لو معايا كبريت وجاز دي كات تبقي ولعة لحد الحجاز
عشان وصلو هناك
كدبوا وعلوا ومنها خلوا في بشاير للممسوخات
إحنا البنات عاوزين منكم
إعادة حسابات
يموت في قوة الست بس بخاف عليها منها لتضيع أجمل ما فيها
وبقلق عليها من ضعفها وقله حيلتها اللي بيرسموا أجمل ما فيها

65 comments:

Anonymous said...

سلامو عليكووو

ايه الكلام العجيب اللى انتى كتباه فوق دا؟؟؟؟؟ صفاء ذهنى؟؟؟ جايز عشان ما شفتينيش عالصبح؟؟؟؟؟


ربنا يشفى الجميع ويسترها معانا احنا مش اد وقوع حد

البوست جميل اوى وعجبنى اوى الكلام اللى بالازرق جدن جدن

بس فعلن ايه علاقه البرج بالبوست؟؟؟؟

اصل عمرنا ما شفنا بنات هناك غيرنا احنا وصباح ههههههه

ومظنش لا احنا ولا صباح نوحيلك بكتابة الكلام دا


ههههههههه ما علينا

Anonymous said...

اسفه الكلام اللى بالمووف التقييل

اصل مكنتش لبسه النضاره

dr.Roufy said...

احنا البنات
عايزين منكم اعادة حسابات

صحيح ياروفي عايزين دا جداااااا

وفي حاجات كتير
بوست مميز كالعادة..كلام سلس ومعبر

تحياتي

Romantica said...

السلام عليكم ورحمة الله وبركاته
--------------------------
كيف الحال واخبار الدنيا والشغل ايه انا طبعا كنت مقصر الفترة اللي فاتت بسبب ظروف فايزة طبعا
انا حاسس بكابة في الشات بوكس ياريت يكون الامر بسيط

Romantica said...

بداية
فان ماحدث للوالد على المستوى الشخصي هو ناموس من نواميس الكون فالحق دائما مطارد ولا يلقى بحجر الا اطيب الثمر ونحن في زمان القابض على دينه كالقابض على الجمر
وانا لدي تجارب على المستوى الشخصي وان لم تكن بنفس درجة القرابة كانت الناس سعيدة جدن بالوضع لان ده ان دل على شيئ يدل على صحة الموقف
وطبعا اعتقد انك تعلمين مدى التقدير لوالدك ورفاقه من القائمين على شؤنهم في برج العرب

طبعا انا لا اقلل من شان لوعة الفراق ولا من الفراغ الكبير الذي خلفه الوالد حين غيابه
لكني اقصد ان تذكر تلك اللحظات لابد ان يترك قدرا من الفخر اكبر كثيرا من مقدار الالم


اما بالنسبه الى حزنه لاشخاص لم يقابلهم فذلك لوجود رباط اسمى من رباط القرابة والصداقة هو رباط الاخوه والحب في الله
وذاك امر طبيعي لشخص فاضل مثل والدك والذي من سوء حظي اني لم اقابله واجلس معه

والله اني لاكن له كل التقدير والاحترام اللائق بشخصه
فاني احسبه ولا اذكيه على الله من الرجال اصحاب المواقف
اعزه الله واعز به دينه وجعل قلقه على اخوانه في ميزان حسناته يوم القيامة
وارجو ابلاغ تحياتي وتقديري للوالد
_________________________________
انك تتحدثين عن موروثات يشترك الطرفان فيها بنفس الدرجة فالنساء ينتقدن نظره الرجال ويعملون لها الف حساب
ولكن لا تصل الى درجة المسوخ ولكن اذا كان الامر يحتاج الى اعادة حساب فهو يحتاج الى اعادة حساب من الطرفين
واعذريني للصراحة:ساضرب مثل شهير جدن في الافراح مثلا تستباح كل الحرمات فتخرج المانيكانات عن احترامها وتحرر كل القيود وتتزين بكل ماأوتيت من قوة لكي تعرض عذرا في الفرح وتنال اعجاب العري المنتظر وذاك بموافقة ان لم يكن بايعاز من الام

وايضا الرجال يذهبون الى الافراح ليبحثون عن اجمل واكثر واحدة متحرره ليخطبها

ولذا فان اغلب الزيجات الحديثة تبوء بالفشل الذريع والسريع في نفس الوقت

واصبح اي حد يدخل بيوت اي حد دون النظر الى الدين والمستوى العلمي والاخلاق
واصبح الامر سلطة
فتارين عرض وياتي الشخص الذي يملك الثمن ليشتري اجمل مانيكان معروض
وحسبنا الله ونعم الوكيل

ناتي بقى الى موضوع قوة الست
القوة دي لو زادت عن الحد تفقد المراة اقوى مافيها وهو ضعفها
فطبعا الرجل لا يقبل ان تكون المراة ندا له ابدا
وطبعا الرجل عقله صغير جدا والمراه ممكن تضحك عليه بمنتهى البساطة وتعمل اللي هيا عايزاه دن ان تبدو قوية


فالامر فعلا يحتاج الى اعادة حساب

Romantica said...

انا شايف موهبة شعرية قادمة في الطريق

مهما لعبتوا في الرأس هيفضل فيها نبراس


ايه ده يعني هيبقى الخيط الرفيع الفيلسوف والشاعر

تحياتي

الخيط الرفيع said...

بوتانيستتتتتتتتتتو عندنا
حصريا في عالم البلوجات بعد غياب دام كثيرا تطايرت فيه الاشاعات عادت لنا ولكم البوتانيستو
الكلام اللي بالازرق سلامة نظرك
بس هو فعلا كان بالازرق وأتغير
لا الموقف ملوش علاقة بصباح خالص ولا حد من اللي هناك
دا كان مجرد احساس شوفته في كلام واحدة كانت بتتصرف بنرفزة يعني قوة وتكشيره ووش جبس وكان معاها مليون حق بس الفكرة انها مع كل دا كانت مستاءه داخليا من الانجراف خارج نطاق رقة الانثي والمحافظه علي مشاعر الناس
وماكنش في مجال خالص لتأنيب نفسها

الخيط الرفيع said...

الله يخليكي يا روفي وطمنيني عمله ايه في الجراحة
ربنا معاكي وبدعيلك فلو سمحتي ادعيلي
بتقولي سلس وحلو والحاجات دي بتخليني ابسط خالص شكرا علي تغزلك أختي الكريمه في كتاباتي

وان جيتي للحق كلنا عاوزين نعيد الحسابات

الخيط الرفيع said...

هرد عليك في كومنتين زي ما بتدوخني واقولك بالنسبه لبابا انا شفت حاجة في حزنه امبارح
حزن المجرب
مش حزن اللي بره النار
دايما بيقولوا ما بيحسش بالنار غير اللي فيها أو جربها
وكنت هتكلم من الزاويه دي
اننا بنمر بالدروس والعبر في الحياه علشان
ما ينفعش نتعلم كويس قوي غير لما نجرب
توكلك لن يكتمل الا حينما تستخدم هذا الاحساس بالتوكل ساعة الجد لعبادة
رضاك عن الله مش كلام لطيف بيتقال
لا دا ممارسه حقيقية لما تقع تحت ضغط
ترضي عن ما يفعل فيرضي عنك

كان بلال فضل ليه موقف مش ولابد كدا كان هو كمان اللي حكية
لما اسرائيل ضربت لبنان كان هو هناك
وكان نفسة يهرب بأي شكل ويرجع مصر وفعلا كان بيسافر تحت ضرب النار

وبعد ما رجع قعد يتأمل موقفه
فتكسف من نفسة جدا
وقال انه دايما بيتكلم حلو قوي في مواجهة العدو وان الموت شهادة والكلام اللي كل الناس بتعرف تقوله دا

لكن ساعة الجد لما دخل التجربه وجد نفسه علي غير مستوي كلامة
كنت عاوزة اوضح جمال التجارب المريرة من كذا زاوية
ارجو تكون فهمت قصدي

الخيط الرفيع said...

معك حق ان فيه مشاكل بين الستات والرجاله
بس انا مش بتكلم عن دا
انا بتكلم عن استغلال الانوثة في الكسب عند الناس الدرجة تانية اللي هما أثرياء العرب
وفقراءة
والناس الدرجة أولي مش عارفين يضعفونا غير بسلاح الانوثة ودا ما كلمنا عنه النبي عليه الصلاة والسلام
وهما كمان الناس الدرجة اولي اللي بيحاولوا يعملوا فجوة بين الستات والرجاله ويخلوها معركة وحقك وحقة ونمسك السكاكين لبعض
واحنا بس اللي هنخسر في الاخر
هبل بقي

مع ان ربنا مش خالق البنات لكد
ولا محملهم الامانه دي علشان يتصرفوا بالشكل دا
الفكرة اللي تكسف لما حد بيأتمنك علي حاجة وانتي تخون الامانه انا شيفاها كدا
الامانه دي علشان تحمي وتجمع وتدفع للأمام تصبر وتشجع وتحنو حينما تكشر الايام
ودا في كل حاجة وفي كل حته مش في اسرتها بس ولا عيلتها ولا شغلها لا علي كل حاجة حوليها
حتي الجماد وعندها طاقات لكدا

ومعاك ان فيه ناس كتير بتعمل موضوع الافراح دا بس النقطة انها ما عرفتش عن انوثتها غير شكل تكسب بيه سواء شغل او عريس او درجات في امتحان شفوي
لم تتربي علي حكمة ربنا من وجودها
وصدقني هي بفترتها السليمة بتصتنقص نفسها بينها وبين نفسها
دا لو كانت بتحس لكن معظمهم جبلات

Romantica said...

السلام عليكم ورحمة الله

انا ابدا لم اقلل من شان الامر ولم اقل ابدا ولا استطيع ان اقول ان الامر كان هينا

ولا اتحدث من موقف المتفرج الذي يحاول التخفيف عن صاحب الامر

ولكني كنت فقط ادعوك للنظر من منظور اخر
الفخر لاننا في زمن قل فيه الرجال اصحاب المواقف
كما اني لا ازايد على فخرك بوالدك
الا اني كنت لافخر بهذا الرجل

ووالله ماكان في كلامي استخفاف بحزنكم ولا حزن والدتك
انما كل ما في الامر ان اردتها ان تمزج حزنها بشيئ من الفخر

واما حزن والدك على الاشخاص فهو كما قلت نتيجة للرابطة الاسمى رابطة الحب في الله
وهذا كان قصدي

واسف لو كنت اخطات في كلامي السابق

Romantica said...

بالنسبة لموضوع الرجال والنساء
انا فهمت غلط الظاهر
بس انتي اللي غلطانة
بلاش الكلام الكبير ده اللي احنا مابنفهموش
اكتبي كلام على قدنا
---------------------
ان ماتتحدثين عنه ليس وليد اليوم ولا الامس بل هو منذ عصور حينما فوجئ الاستعمار بامهات تلد ابناءها فقط من اجل قتال الاستعمار
فالام التي تلد عشرة ذكور تجود بهم جميعا في سبيل الله
وتحتسب عند الله كل وليد تضعه
وتبث في نفس ابنائها ثقافة القتال
وهالهم الامر حينما وجدوا نساء عربيات كجميله بوحيرد نساء وهبن انفسهن للقتال
وكثير من النساء اللائي تقدمن المعرك في سبيل الله فضلا عن دفعهن لازواجهن بقلب الواثق من النصر الراغب بالشهادة
قدوتهن في ذلك الصحابية الجليلة خولة بنت الازور
وهالهن الامهات المدارس اللائي خرجن زعماء قادوا الامم نحو النصر
هؤلاء الامهات ربتهم امهاتهم على العزة




فاراد الستعمار تدمير تلك المدرسة وتفريغ دور الاناث العظيم من مضمونه
وتحويلهم الي جواري لا تولد الواحدة منهم الا لتتزين للرجال واعتقد ان هذا الامر اضحى واقعا نراه باعيننا كل يوم
في زمان اصبح كل قراءات المرأة في كتب الموضة والمكياجات
وفي زمان اصبح الحجاب فيه موضه
وكلما زاد حجم الحجاب واضافاته فاعلمي انه نقص من عقل المرأه

وبالفعل تم تفريغ دور المرأة الا من رحم ربي
فتتزين وتتعطر ليراها ذاك الشاب ليتزوجها ثم تلد وتلقي به في الشارع لتتفرغ لزينتها مره اخرى
فلا تخرج رجالا ولكن مسوخ لا يفقهون شيئا عن شيئ سوى البنات والهيافات
واني اعلم شباب كذلك معرفة شخصية يدور الحديث يوميا عن المعاكسات والخروجات وكل ماخره الف وتاء

فاني والله اطالب البنات باعادة النظر قليلا والتفكير في الدور الاكبر الذي تم تفريغكم كنساء منه
الام
فان ماتصنعن من تزين زائد ولبس لا يستحق ان يحمل اسم لبس
لن يدوم طويلا وسيفقد جمالكن بريقه

ولن يخلد اسمائكن سوى ابنائكن
حين يصبحوا رجالا عظماء ينفعوا دينهم ووطنهم
ليقولوا نعم الام التي ربت ولن يسال احد هل كانت أم الدكتور احمد مستجير مثلا جميله
لا طبعا
ولكن سيقولون هي خير ام وخير تربية



جزاك الله خيرا على اهتمامك بتلك المواضيع

وآسف لو كان كلامي فيه تطاول

بس بجد الموضوع ده بيحرق لي دمي
الواحد لما بيشوف امهاتنا بيحس انهم اعظم ستات الدنيا
بتيجي على نفسها في كل شيئ علشان خاطرنا وحنا نقصر في حقها
وتحمل هم للاطفال والشباب اللي بيموتوا في فلسطين ويبكوا علشانهم بكا حارا
واليومين دول قلما تلاقى واحده من بنات اليومين دول تعرف يعني ايه فلسطين اساسا
وسبحان الله كل الاجيال الجديدة نحو الأسوء

انا باستغرب دول هيبقوا امهات ازاي
باللبان والاساتك على راي بوحة
هيربوا ولادهم على ايه
هيعلموهم ايه
هيعلموهم الصلاة ازاي اذا كان اساسا هما مايعرفوش يتوضوا ازاي


ربنا يخليلنا امهاتنا يارب
وربنا يشفيكي يامي




تحياتي

Romantica said...

ارجو الدعاء بالشفاء لأمي

الخيط الرفيع said...

يا رومانتك حرام عليك ركز شوية

أولا: شفا الله طنت وعفاها من كل سوء
وخفف عنها وجعله في ميزان حسناتها

انا ابدا لم أقلل من شان الامر ولم اقل ابدا ولا استطيع ان اقول ان الامر كان هينا

دا كلامك

وانا بقلك لقد أصبح الامر هين
ومادة للضحك والسخريه في البيت عادي

دا حال المصريين

ولم يبقي منه غير عبر ودروس في مدرسة الحياة

انا بقارن بين احساس بابا بالازمة اللي اخواته فيها زمان كان قوي جدا بس الان هو أشد قوة وعمق لانه جربة

دا المقصود

ومسأله الافتخار دي معادية مع سعادة المدير

و سبب الحزن اللي لمحته من الكلام ان خالو مريض جدا وتقدر تقول بيخلص وينتهي أدم عينا
دعوات الجميع
لان الموضوع خطير ربنا يخفف عنه ما هو فية

وشكرا علي التطويل لاته بجد أضاف للبوست معلومات قيمه واضاف افكار بجد لفت نظري ليها

وقليل لما حد بيعمل كومنت بعتبره جزء من البوست

اسفه بجد لو الكلام ما بيتفهمش

Anonymous said...

اولا بشكرك جدا على اضفتك لمدونتي المتواضعة عندك ثانيا كلامك عبر عن حالناقوي ثالثا اتمنى ان بابا يقدر يتجاوز القلق يارب وماما كمان وربنا يسعد قلوبهم بيكي يارب

الخيط الرفيع said...

انا غيرت في البوست شويه
علشان ما حدش يختلط عليه الامر
شكرا علي اضافتك يا شاعرنا الباحث عن الذات

الخيط الرفيع said...

قلوب حائرة
يا اهلا بيكي في بلوجك االتاني
انا اللي مبسوطه قوي اننا بنتواصل وبنتناقش في امور تطرحها العقول ببساطه وقله مجامله
وانتي السبب في المعرفة الجميله دي فشكرا لحضورك
اللهم أمين يارب ييسر علينا مصائب الحياة
بطمنك عليهم هما الحمد لله بخير

الحمد لله انك شايفة اني بعرف اعبر عن أجمل الكائنات
منوراني

WhItE HeArT said...

السلام عليكم

مبروووك على البوست اللي طال انتظاره ده اما عنوان ردي في البوست ده فهيكون اني مفهمتش اي حاجة

عموما يارب يشفي اي حد لو كان في مشاكل لا قدر الله

اما بالنسبة للبوست نفسه فا انا فعلا مفهمتش في الكلام غير الكلام اللي بالازرق غير كده مفهمتش شوية اقرا الكلام على ان فيه سجع وشوية لا واتلخبطت بصراحه و حاولت افهم من الكومنتات اتلخبطت اكتر وربنا يسامحك بأه على اللخبطة دي

وبعدين ايه اخبارك في محافظتنا انا رأي ان المحافظه حلوه مش كده
مفيهاش اي مشاكل كفايا ان احنا عندنا مترو ""هنفضل نتفاخر بالمترو لحد مانموت كفايا انه بيوصل الشعب المصري كله "" و
ربنا يوفقك يارب

الخيط الرفيع said...

وايت
انا الحمد لله تمام
وشكرا

Shreef said...

مع اني كنت مستعجل لكن قريت البوست في الانجاز و كنت قولت هعلق بعدين بس بصراحة كلامك اجبرني اني اعلق على كلام بجد اشد عل ايديكي احتراما ليه لما قولتي

مهما لعبتوا في الرأس هيفضل فيها نبراس مش الأنوثه دلع وحبشتكنات
لا دي حنية بمسئولية بأمل في بكرة فيح تت تسامح لخبط إمبارح
دي إحتواء مش إبتزاز لأي إحتياج

ايوه كدا بالظبط و الله مهي دلع و حبشتكنات و حلوة حبشتكنات ديه بالظبط هي اكبر من انها تكون دلع هي فعلا مسؤليه و مسؤليه كبيرة اوي بيضيعها الدلع ده امتى الناس تبص للبنت و المرأة على انها كدا لان بنظرتهم للدلع و الحبشتكنات بيذودوا الجزء ده عندها فيمكن ينسيها ان هدفها و مهمتها اكبر من كدا بكتير..اتمنى الكل يدرك النقطة ديه علشان كفايا رجوع لورا

اما عن الجزء التاني اللي هوا اللي انا عايزة يكون في المرأة بالظبط و اعشق وجوده فيها و هو

يموت في قوة الست بس بخاف عليها منها لتضيع أجمل ما فيها
وبقلق عليها من ضعفها وقله حيلتها اللي بيرسموا أجمل ما فيها

كل مرة يخوني الاصاغة و التعبير الا انك اصغتيها كما يجب بالظبط و انا كمان بموت في قوة الست ديه

تحياتي ليكي..سلام

الخيط الرفيع said...

شريف والكمال
دي طبعا اقل حاجة كلامي يعملة لسيادتك مسألة الاجبار وكدا
هههههههههههههه
شكرا والله اخجلتم تواضعنا
هو ممكن موضوع اعادة الحسابات
فكرة تحتاج كلام اقوي من ذلك
وتحتاج اشياء اكثر من تكون بعض كلمات
لكن علي اد المتاح

لان المشكلة عند البنات قبل ما تكون في ايد اللي بيجروا وراه
يعني لو دي البيئة اللي حوليها ربنا لا يظلم احد سيبلها فطرة
ولو كانت المسائل في الاحتياج لاي شئ ليس من حقها ان تستخدم شئ في غير ما خلق له
المشكلة ياشريف ان الدنيا بتلهي الناس عن التفكر
فالغفله بتعمل عمايلها
والغفله عند ربنا أسوء من المعصية
ربنا يهدينا
واحساسي ان سبب كل مشاكلنا بإختصال
اننا مسلمين بلا اسلام
بص كدا علي الاعلام
واللي بيحصل علي قنوات بتدخل بيوت من غير اذن ليل ونهار
عارف الموضوع كبير قوي
والواحد مكسوف من العمايل اللي بتحصل
عارف لما حد يقولك شيل الامانه دي عندك اقصد بيها معني الحجاب بعمق
ويجي يلاقيك مش مضيع الامانه بس لا انت هاينها

بالنسبة للكلام اللي في الأخر هو معادلة الانوثة المتزنه في نظري
واقصد بالقوة قوة التحكم في الذات وقوةأخدها لحقها
وقوة تقومها للأدمها
يعني

الخيط الرفيع
بين القوة الطلوبة منها قسط علشان تعرف تعيش
والفطرة مش هقول الضعيفة لان استخدمت الكلمة الغلظ اقصد حاجة مش عارفه اترجمها بكلمة

المهـ إلي الله ـاجر said...
This comment has been removed by the author.
المهـ إلي الله ـاجر said...

والله يا أختي انا لم أفهم المراد بسهولة

يمكن لو علقت بما فهمته وكان خطأ تصححيه

انت تتحدثين عن شعور الفتاة التي تعرف أنها ليست موجودة للعبث او لسماع الكلام المعسول . انت تودين ان تقولي انكم فتيات لهن قيمة وعقل ورأي ويحبون الحياة طالما كانت في الطريق الصحيح


صح ولا إيه ؟ ):

مؤمنه said...

السلام هليكم ورحمة الله وبركاته
اللهم يسلم عباده جميعا من السوؤ
ايحنا البنات
من الاخر هما نادوا بالتحرر وليس بالتحضر
ولا يستوى الخبيث والطيب
موضوع هادف الى الامام دوما
وسلميلى على الوالدين
والسلام عليكم ورحمة الله وبركاته

الخيط الرفيع said...

المهاجر الي الله
والله لك مطلق الحرية تفهم اي رساله من الكلام
انا عن نفسي لما بقراة تاني بشوف كلام ممكن يتقصد
حقيقي والله لما بعيد قراية الكلام بفهم منه حاجات لم أكن أقصدها



هو كان الكلام عبارة عن رفض لسوء استخدام البنات لنعم كتير من ربنا
والنعم دي في ايد البنات وبس وهتساعد في الخلافة الصحيحة للبشريه في الارض

لكن النعم دي ذو حدين وبتستخدم في حاجة ما تلقش بالعمارة والخلافة خالص
مش بختزلها في الشكل واستغلاله بس

نقدر نقول بردوا
كل حاجة في ايدين البنات ويا أمه مش عارفين ايمتها يا امه عارفين وبيستهبلوا
وفعلا الواحد كل شوية ما بيشوف في البنات اسرار ربنا اودعها فيهم بجد سبحان الخالق وانا بنات من أكتر من 20 سنه وسبب البوست اني شفت بعد جديد

الخيط الرفيع said...

مؤمنه هنا
ازيك يا مؤمنه
معاكي والله يا بنتي
بس كلمة حق احنا اللي بيضحك علينا وعقلنا صغير
في حد يصدق تعلب ويفضل يصدقة
بس تعرفي الستات نوعين
ستات خبيثة وبتستغل المواقف
وستات هبل ما بتصدق اي لمعة تفتكرة دهب

وحاضر هسلم ليك عليهم من عنيا
والي الامام انتم كمان

الملاح التائه said...

أول زياره لمدونتك
بس بجد فى منتهى الجمال
موضوعك مهم جدا
البنات
بسمة الدنيا
وفرحتها
وحاجات كتير انتى قولتى شوية منها فى البوست مش كلها على فكره
انتو شئ عظيم فى حياتنا
والدليل اننا بنعيش حياتنا على أمل الفوز باستقرار وسعاده بتبنوها انتم وبتصونوها انتم لينا
لولاكم الحياه هاتبقى فى منتهى القسوة والخشونه وهاينمحي منها أجمل المعانى
الحب والحنان والراحه والرحمه وكل شئ جميل
تحياتى الشديده لكل أنثى تعرف من هي

الخيط الرفيع said...

الملاح التائه
اسمك رهيب وشديد
تحس انه اسم ادبي بيحمل معني عميق مزيج من الغموص والبحث الطويل وقلة الوصول
حقيقي شرفت المدونة والحمد لله انها نالت اعجاب حضرتك دا بيزيدها قيمة
ربنا خالق في كل حاجة جمالها سواء البشر بنات واولاد
والسماوات والارض واللي فيهم
بس في ناس بتعرف تقدر قيمة الاشياء وناس لا
تحية علي تحيتك لكل من يعرف من يعرفون من هم
اللهم اجعلنا منهم

حياة الأحلام said...

السلام عليكم
ازيك يا جميله وآسفه على التأخير فى الزياره والتعليق

بجد بوست جميل ومعبر عننا أحنا البنات ومعاكى حق

"إحنا البنا ت
بتظلمونا لما تلبسونا وتقلعونا وتمكيجونا
وفي الفترينات بترصصونا
وعينكم بتبقي محاكم الحته دي شيلها
والحته دي سيبها
لما خلتونا مسوخ بهله واحدة مطفيه ورضيه
تبان فيها أصالة نانسي......بتخوفونا من بكرة
وبتزرعوا بإيدكم نار حصادها في ولادكوا تلاقوه
وعلي مجتمعنا بلاها يسري
ولو تسمعوها مني تلاقوها بشهادة صريحة كل القشور بقيتوا فيها أساتذة بدرجة بهلوان
سيبتوها ليه بواطن أمورنا خلو بالكوا عليها لتضيعوها
دي هتحتجوها"

البنات بقوا بيشوفوها مجرد سلعه وحتى لما كتير من الرجاله بتفكر فى البنات بتفكر فيهم مجرد موصفات مش عقل وشخصيه

بس زى ما انتى قولتلى المفروض ما نسكتش شويه شويه ممكن نرجع لزمن الجاريات طالما وصلنا لزمن الكليبات والحاجات الغريبه دى

بوست مضمونه مهم بجد وعندك حق هو عجبنى جدا فعلا

تحياتى يا قمر

قضية عم أحمد Ahmed Case said...

بصى
انتى حطيتيني في موقف جميل

البوست من النوع الغريب ...


انتى عارفه ان انا بنصحك بعمل سلسلة بسيطة منطقية عن البنات علشان الموضوع جميل ورائع ...

عايز اعلق على البوست بس عايز اعلق في حتة مستخبية اصلى هاقول كلام مستفز :))

soka said...

السلام عليكم
ازيك؟ واخبارك ايه؟.
معلش اتأخرت فى الرد شويه عشان كنت مسافره بس بجد بجد كلامك جميل خالص
وايوه كده عاوزين حد يدافع عننا احنا غلابه كلنا وراكى ان شاء الله
وسعد سعد تحيا سعد

kingmody said...

الاول السلام عليكم
وحشتوني اوي كلكم
ثانيا كلام جميل جدا جدا بس لو البنات تنفذو فعلا
مش الناس الي بتعمل كده
البنات الي بتعمل في نفسها كده للاسف
وربنا يسمع من الشيخ حاتم (شيخ عندنا في اسكندرية في رمضان )اللهم ارحم شباب وفتيات المسلمين

وسلامي للجميييييييييييييع

الخيط الرفيع said...

حييييييييييياة الاحلام
منوراني كالعادة
البنات البنات ألطف الكائنات غلطانين ومغلوط فيهم منذ زمن طويل
عمل الان ترسبات رهيبه مخبية حاجات لطيفة جدا كان ممكن ترسم وتلون في الدنيا وتبني وتعلي بس خلاص ما علينا من اللي الفات ربنا يصلح لنا كل الاحوال
ولو الرجاله في رأيك بينظروا للبنات بشكل مش عاجبك العيب في حاجات كتير
منها مثلا اول بنات في حياتهم أمهاتهم
الطريقة المزدوجة في التربية اللي كانت قويه من خمسين سنه مثلا وباقي منها ترسبات
ان الاسرة تسمح للابناء يغلطو والبنات لا
والغلط في النهاية غلط عند ربنا والمجتمع
تعالي احنا نلعب دورنا ولا يضرنا لا افعال حد ولا طريقة حد في التفكير

الخيط الرفيع said...

قضية عم أحمد

البوست حطك في موقف جميل.............؟
بوست من النوع الغريب المفهوم اكيد مش الغير مفهوم
ههههههه
هو في حته تخرج افكارك فيها براحتك زي بلوج الخيط الرفيع؟؟؟؟؟؟؟؟؟
نورتني

الخيط الرفيع said...

سوكا
اهلا اهلا اهلا بالناس اللي عاوزة تقفل بلوجتها
لسنا هؤلاء القراء اللي تقفلي البلوج في وشهم
الحمد لله علي سلامتك ولا تأخير ولا حاجة
منورة

الخيط الرفيع said...

اخويا الكريم محمود
حقيقي اسفة علي التقصير في السؤال عليك وعلي نهي سلم عليها كتير وربنا يطمنا دائما عليكوا
ربنا نعاك انا عارفة الايام دي شديدة إزاي ربنا يقدرك عليها
ركز اعمل اللي عليك وخلي الباقي علي ربنا
وان شاء الله نزور بلدكم التحفة قريب
سلامي لنهي كتير
لا تنسانا من صالح دعائك

kingmody said...

التقصير كان من الطرفين ولذالك فليس هناك داعي للاسف :)
ان شاء الله افتكر اوصل السلام عشان بنسى كتير :$ :$
وتنورو اسكندرية
بالنسبة لصالح الدعاء انا منسيتكوش خالص ويارب متنسونيش انتو كمان :( :(

حبة حاجات (ايمان) said...

انا نفسى تكون الصفه الاساسيه فى البنت وطبعا مايمنعش ان يكون شكلها حلو او مقبول
بس اهم حاجه لازمتكون فيها ذكائها
لان مش عارفه ليه الولد بيفضل البنت اللى .... مش عارفه اقول ايه بس ماتكونش زكيه
بس طبعا مش كلهم بس الاغلبيه

تحياتى

الخيط الرفيع said...

كينج مودي
انا عارفة سنه اولي بتكون واخدة الوقت كلة ازاي فعلشان كدا كنت بسأل بروباجنده عليك وعلي وايت هارت علي طول وكان بيطمني
وان شاء الله اكلم نهي وسلم واطمن عليها
ويارب نقدر تجيلكم في اجازة نصف العام
ربنا ييسر لك كل الامور

الخيط الرفيع said...

ايمان
حبة حاجات
ذكاء المرأة =وجع دماغ
واحنا شعب بيحب يريح دماغة
فالولاد جزء من الشعب فبيحبوا يريحوا دماغهم
انتي ما تزعليش نفسك خالص
هما يحبوا اللي يحبوه
واللي في نفس البنات بردوا هيعملوه
بس الفكرة اننا نحاول نكون ماتريد لا ما يريده الأخر
الي ان يحترم الاخر إختيارك ودماغك
هاتي اجوان وسيب من حراس المرمي الوهميين

حبة حاجات (ايمان) said...

عجبتنى اوى موضع الاجوان دى واسيبنى من حراس المرمى الوهميين

عموما نتمنى اننا كلنا نجيب اهداف جامده اوى من غير مايوكن فى حكام ظلمه

تحياتى
واشكرك على تعليقك فى مدونتى

حبة حاجات (ايمان) said...

وتسمحيلى اضيفك فى مدونتى وتنوريها

abo salah said...

بعد السلام عليكم

صراحة

من أروع ماقرأت ليكي
رائعة والله

كلماتك جميلة
والمغزي اجمل
فعلا حطيتي إيدك علي مشكلة كبيرة
مشكلة عمرها من عمر الزمن


ربنا يخفف ان شاء الله عن خالك ويرزقه الشفاء

اعتذر عن التأخير

تحياتي

الخيط الرفيع said...

حبة حاجات شكرا ليك
واتمني تكون المدونه عجبتك وطبعا اتفضلي هي مش محتاجة استأذان
يا صديقتي البلوجاتية الجديدة

الخيط الرفيع said...

ابو صلاح
مالك مكروتني في الكومنت
ما علينا
اولا بشكرك علي دعائك
ثانيا بردو بشكرك علي شكرك في الكلام
نورتني

Wish I were a Butterfly ... said...

سلام عليكم

أولا: آسفة جدااااا على التأخر في التعليق. بس... مش عارفة!! اصلا فضلت فترة بفتح البلوجز بس مش قادرة اعلق :) سامحيني يا روفي

ثانيا: بموت في اسلوبك. مميز أوي... بس في نفس الوقت غريب جدا. لكن يظل تميزه في غرابته دي. و موضوعك كمان المرة دي حلو اوي اوي، و قلتيه بقوة شديدة. بجد بحييكي جامد جامد عليه

بيظلمونا لما يفتكروا انهم بيحكمونا
و بيظلمونا لما يصدقوا نفسهم بأن البنات ملهاش رأي مسموع و انهم أضعف من ان حد يسمعلهم
بيظلمونا لما يفتكروا ان الرقة هي دليل على الضعف الشديد ومش ممكن يكون فيه قوة معاه

فهمتي حاجة؟ :))) عموما بجد بوست حلو أوي. وحاسة اني عايزة اقول فيه كلام كتير بس مش عارفة أبدا منين

و أحلى أحلى حاجة هي آخر جملتين "بجد تحفة". دة كلامك انت يا بنتي؟ :) عجبني اوي "اه بس لو شوية روية ومفهومية تشوفوا من جديد نماذج أكيد راح تملي عينا
ونشوف ثمار زرع عفي في عيال وعيالات
وبرفع بصوتهم وأقول إحنا البنات"

ثالثا بأة ودة الأهم: بحبك أوي يا حنينة :) و رابعا ودة أهم من المهم : ادعيييييلي


وتحياتي . ومعلش على الكلام الكتير اوي دة

ღϠ₡ღأمير الهدوءღϠ₡ღ said...

جميل جدا

على فكره كلمات الموضوع مناسبه جدااا

إنها تتعمل أغنيه رااااب مثلا

بجد موضوع جميل

:)

مؤمنه said...

السلام عليكم ورحمة الله وبركاته
ايه يا جميل فينك
مشتاقه انى اعلق على موضوع جديد عندك
يلا بسرعه
والسلام عليكم ورحمة الله وبركاته

Eric Matt said...


جميل

:)

تحياتي من ماناساس البلد

ولــــــــــو said...

انا تهت ولا ايه
انا كنت جاي اعلق ف مدونه لقيت محاكمه علنيه
اد كده الموضوع معقد
اصدقك القول انا قعدت كذا مره اجي لحد ما قدرت استجمع شجاعتي واعلق
الموضوع شكله كبير جدا وانتي واخداه مسأله شخصيه
المشكله اللي بتواجهني دلوقت وكنت اعتقد انها مش بقت ملازماني اني مش لاقي كلام اعلق بيه
كلامك كبيييييييييييييييييييير
تحياتي

الحمقاء المضلله innominate x said...

كلام جميل


احييكي

sakayar said...

اييييه؟؟؟؟
اييييه يعني؟؟؟؟
يعني بجد ايييييه؟؟؟
ههههههههههه
مااااشي
لولا ربنا موصينا عليكوووووو
لا بس بجد صح
أنا عن نفسي بقول ان الكلام ده كده
طبعا عارفة كده ...يعني صح كدهو
وحلوة فكرة الاجوان دي أوي
ههههههههه
ربنا يقويكم ...بس على فكرة ...نسبية ههههههه

الخيط الرفيع said...

بيبو يا هلا بيكي
وأولا كدا يادي كمية أسفة وشكرا وحضرتك اللي في الكلام
وعدددددددددددددددي يا ليله
وقبل ما الليلة تعدي كنت أموت وأسألك سؤال إمبارح؟

..........
طيب يارب مميز وغريب ومباشر مهم مباشر دي.بتكسب دهب
الناس دي بتفكر بالعقل
ههههههههههههههه
وشكرا علي الكلام الكتير قوي دا

الخيط الرفيع said...

امير الهدوء
اغنية راب مرة واحدة
يسمع من سيادتكم ربنا
وياريت تكمل جميلك وتتحمس وتنتج مش تتحمس بس ما بتقكلش عيش
نورتني قوي ويارب يكون البلوج عجبك
واسفة اني اتأخرت في الرد نظرا لظروف غريبة وملخبطة

الخيط الرفيع said...

مؤمنة
والله العظيم لهعمل بوست جديد
وإشتياقك دا علي عيني وراسي
انا هبدأ أحس إني بكتب ولا اية
وعليكي الف سلام ورحمة وبركة

الخيط الرفيع said...

the groom
تحياتي لماناساس البلد
وزيارتك دائما اللي جميلة
شكرا علي حضورك

الخيط الرفيع said...

ولو
والله مش محاكمة ولا حاجة دا بس رفع واقع
والموضوع معقد لكن ممكن يتفك زي كل مرة عصر يتعقد وعصر يتفك وعصر الناس تأنتخ فيرجع يتعقد...........وهكذا
كام مرة علشان تتشجع
انا هحطلك فريق تشجيع علي باب البلوجز

هي ممكن مش مسأله شخصية أد ما هيه رساله وقضية اننا نعيش صح
والمفاهيم تتعدل وتبقي أمانه وعدل وحق بحريه تامة
شكرا لزيارتك
والف سلامة علي صحة حضرتك

الخيط الرفيع said...

اللي مش حمقاء ومش مضلله
زيارتك هي اللي جميلة نورتيني

الخيط الرفيع said...

هو اية اللي ايه يا سكايار
وقبل ما ندخل شمال ازيك ايه اخبارك يارب تكون بخير وبتدعيلنا ما بتكروتش
شد شوية الله يخليك أصل الدنيا بدأت تقلب بجد
والله بدعيلكم كلكم
ولو سبنالنا من كل اللي قلته
وجينا علي حتت النسبية دي
انا شخصيا أبصم و أمضي علي نسبيه الاشياء
بس هي اية اللي نسبي بالظبط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Eman Eltaher said...

رائعة بجد
كلمتاك دايما بتبقى لها هدف و معنى واضح و أجمل ما في كلماتك كمان انها أشبه بالشعر لها نغم موسيقى ده غير الحكمة اللى دايما بشوفها بين السطور
عجبتنى اوى
لا....دي حنية بمسئولية بأمل في بكرة في حتت تسامح لخبط إمبارح
دي إحتواء مش إبتزاز لأي إحتياج

تحياتى للبوست و لشخصك االحكيم

الخيط الرفيع said...

ايمان
تحياتي انا لرقة كلامك ولطفك
بجد الكلام دا بالتحديد خلاني مبسوطة قوي
حكاية هدف وحكمة وبها نغم يسهل تذكر الحكمة اللي فيه
وكنت عاوزة أقولك أن الحته دي
............
لا....دي حنية بمسئولية بأمل في بكرة في حتت تسامح لخبط إمبارح
دي إحتواء مش إبتزاز لأي إحتياج
...............
انا بحبها قوي
شيفاها بعد لازم البنات تفكر فية
لأن ابتزاز البنات لانوثتها لخبط لينا قيم ومفاهيم كتير
تحياتي لتشريفك حللتي أهلا

Anonymous said...

كلامك جميل بس برضه مش كل الرجال عايزينه شبه نانسى او هيفاء ولا بتهتم بانها حلوه وتشيل وتقص وتكمل الناقص انا معاكى انى دى مشكله كل مجتمع ذكورى شرقى
بس مش كل الرجاله كده

Anonymous said...
This comment has been removed by a blog administrator.
الخيط الرفيع said...

إية الخطوة العزيزة دي
يا رئيس جمهورية نفسة

انا مش بتكلم علي الرجالة بس
انا بتكلم عن كل حد بيستفيد ماديا او معنويا من النظرة دي للبنات سواء رجل اوست او مؤسسه او بلد
بتخلي مفهوم الانوثة كد عن طريق اعلام أو قدوات او ثقافة عامة اي ما يكون مصدرها
المجتمع ما عتش ذكوري شرقي في نظري الرجاله بقوا اغلب من الغلب في المجتمع و المجتمع بقي سياسي اقتصادي طبقي لدائرة مقفولة بتروي بعضها بس.......................
انا كنت هنزل بوست جديد امبارح بس الحمد لله علشان نشوف كومنت حضرتك

Anonymous said...

انا معاكى فى تعليقكك وللاسف الشديد انى بعض البنات مش واخده بالها انها بترجع من تانى للخلف در يعنى هى انتكاسه للفكر الانثوى
حركه تحرير المراءه عنيت بتحرير عقل المراءه وقدمت لينا كتير مى زياده حسن شاه بنت الشاطى وغيرهم كتير
دلوقتى مع الانتكاسه بقى نظره الناس للست محصوره فى روبى . ناسنى وهيفاء
انا معاكى هى مش مشكله الرجاله بس ومشكله مجتمع كامل ونظام كامل بس السبب الرئيسى فيها طبعا وبكل اسف بعض الستات الى سمحت انها متكنش فى العصر ده اكتر من تابوهات جميله للفرجه بس
يبقى كده كلنا محتاجين اعاده حسبات