Thursday, April 24, 2008

كداب اللي يقول مصر مش بخير

اليوم دا عيد ميلادي
كل سنه وانا طيبه علشان انتو في حياتي وانتو طيبين علشان انا في حياتكم
_
في نهاية كل عام بداية لعام جديد مليان بأحداث مجهولة
نحسبها خير
وتعتمد هذه الأحداث علي ما جنته أيدينا في الأعوام السابقة
ولن ننجوا بالطبع من المفاجأت بحلوها ومرها
ولا أكتمكم سرا لقد مر علي عام جديد في كل شئ
به من الأحداث والاختبارات الربانية ما أعتصر قلبي وأنا أمر به
ولكن مع مهارة اعتز كثير بأني بدأت أتدرب عليها بعمق
وهي فكرة تقبلي للحدث أثناء حدوثه


وبه أيضا من بوادر تحقيق حلمي بأسرع مما كنت أخطط
معكم أني قلت
بوادر تحقيق وليس تحقيق
وهناك فرق ولكنها طبيعة المرحلة انك تتدرج
وأنا بحب دا جدا لأنه بيخليك متزن لما تصل لما تريد
وعلي رأي الشاعر
لا خير في حلم أن لم تكن له : بوادر تحمي صفوة ان يكدرا

وبه أيضا من شئ ما انتظره بقلق شديد
أوبشن اجهل إمكانية حدوثه وأجهل أيضا ميزاته النسبية
وما تحمله لي الأيام به
ولا يسعني غير الإنتظار للقادم
والرضا الكامل عن ما مضي
والقيام فيما علي القيام به فيما بين يدي
__
قبل ما اختم أحب اسجل كام نقطة وهي
ان احتفالي امبارح كان خاص قوي كان رباني
أنا قعدت أخطط أخرج مع مين وأروح فين
لكن الاحتفال كان أجمل وأجمل كان مع ربنا بين آياته وبين يديه
شكرت وطلبت وفضفضت
وطلبت إني أكون صاحبة قصة زى قصص الناس اللي عملت حاجة قبل ما تمشي
يارب أعمل حاجة تشرفني وأنا واقفة أدامك يوم اللقاء
___

وكان في كمان أصوات كتير سمعتها من 3 قارات
حلو قوي اني سمعت صوت قرايبنا المتفعكشين في القارات
وكل واحد وواحدة فيهم كان مجهز اجندة أمنيات يطلبون مني تحقيقها
كل حد زي ما شيايف الدنيا وكان الاجماع علي مطلب جماهيري ما
الله يرحمك يا تيتا
ههههههههههههههههه
اقرولها الفاتحة هي وخالوا
واله العظيم كانت ست زي العسل
___

في خاطرة جميلة قوي هحطها أدام عيني
السنادي خاطرة جتلي وانا بقرأ سورة مريم
ربنا بيخاطب السيدة الكريمة رضي الله عنها ويقول
وهزي إليك بجذع النخلة تساقط عليك رطبا جنيا
فكلي وأشربي وقري عينا
الفكرة هنا : إنها وهيا في أقصي لحظات الحياة عند أي سيدة
بيطلب المولي منها أن تعمل وتمارس الايجابية في عز الموقف الصعب دا
وكمان طلب منها المولي الكريم قائلا كلي وأشربي وقري عينا
فكره انها تاخد الأمر_ اللي هيا شيفاه أخر الدنيا ببساطة _ وتاكل كمان وتشرب
والحتة اللي بجد جامدة قوي :. وقري عينا الكلمة دي لغويا تتحس مش تتشرح
تحتمل معاني كتير لخصتها في التمتع الكامل بالمرحلة
والأمل مهما كانت النتائج المتوقعة للأمور
او الفرفشة
مفيش مانع نكون واقعييييييييين قوي ومتستفين وبنحسب خطوات حياتنا بالمسطرة
ومفرفشين و مزبطين والدنيا حلوة وأحلي سنين
الريشتين يا ممكن
__


قبل ما أمشي في ناس بعدني عنهم المكان
بس جوا القلب مستخبين ومقفول عليهم من زمان
شموس حياتي
أهلي بكيه ورد جنينه حياتي و فريقي الجميل قوي
كل ما أبعد وأشوف ناس بحن ليكم قوي
حتي لو الناس حنين ودا كتير بشكل مطيرني فوق في السما ومصبرني علي بعدكم
سواء البيت الحنون او الناس اللي بدرس او بشتغل معاهم
بجد حاجه هايله جدا
وكداب اللي يقول مصر مش بخير

كفايا عليا ان فيها الفراشة وبروباجمدة جدا

علي فكرة في شكوة منكم ليكم

انتو مش معبرين البلوج التاني خالص في قصه حلوة عن حد حلو

شوفوها وقولوا رأيكم

البلوج هتروحوا ليه من البروفيل

41 comments:

هوندا said...

كل سنة واتنى بخير ياروفى وان شاء الله السنة دى احلى واحلى وتحققى كل الى بتتمنيه فى حياتك واحلامك ونفتخر بيكى ديما ونتعلم منك انت بجد من الشخصيات الممميزة الى عرفتها هنا فى بلكس ههههههه
ربنا هيكرمك ان شاء الله

مـحـمـد مـفـيـد said...

كل عام وانتي بخير ومبدعه ومتألقه

ولــــــــــو said...

كل سنة وانتي بألف خير
احلى احتفال واحلى حاجه ممكن تتعمل
الكلمتين اللي ف الاخر عن سورة مريم دول قمة ف كل حاجه
ماشاء الله عليكي

انا مش معاكي انك تقولي للناس تروح البلوج التاني
اصلهم لو قروا القصه اللي هناك ممكن يفضلوا هناك مستننين الباقي
فاهماني ؟
يارب دايما باحسن صحة واجمل حال

Anonymous said...

كل سنه وانتى طيبه يارووووفى
وعقبال مليون سنه ان شاء الله
ويارب السنه الجايه تبقى احلى واحلى وتحققى كل اللى نفسك فيه ومن تقدم لتقدم ان شاء الله
كل سنه وانتى طيبه ياحبيبى

sakayar said...

مين الحيوان ده اللي قال كده؟؟؟
هاتوهولي وانا اقطعه
ههههههههههههههه
ربنا يبارك في عمرك وتشيبي في الاسلام والحياة تضحكلك وتبقى تمام

jejemam55@gmail.co said...

كل سنه وانت احلى واطعم واقرب من كل اللى بتحلمى بيه ....

احتفال رائع ...ربنا يتقبل

عايزه اكمل تعارفنا ايميلى
om_eyad06@yahoo.com

Shreef said...

يااااه
كل سنة و انتي طيبة و يا رب حياتك كلها تقضيها في سعادة و خير لانك بجد من الشخصيات المحترمة جدا و يارب تمتلكي القدرة اللي تمكنك من انك تحققي كل اللي نفسك فيه و تضيفي شيء كويس للدنيا ديه .. و حضرتك قولتي كلمة جميلة اوي اوي ياريت الواحد يقدر يقوم بيها فعلا لانها هتفرج عن الواحد كتير و هي ان

مفيش مانع نكون واقعييييييييين قوي ومتستفين وبنحسب خطوات حياتنا بالمسطرةومفرفشين و مزبطين والدنيا حلوة وأحلي سنين

بجد اتمنى ان الواحد يقدر يحقق المعادلة الصعبة ديه اللي مش عارف هتتحقق ازاي بس يمكن نلاقي الوسيلة لتحقيقها في يوم من الايام

المهم مرة تانية اقولك كل سنة و انتي طيبة و بالتوفيق في حياتك ان شاءالله .. و ايه حكاية متفعكشين ديه بجد انتوا بتجيبوا المصطلحات ديه منين اول مرة اسمع متفعكشين ديه بس بجد لذيذة جدا

المهم يلا اسيبك بئى علشان الحق اعدي اشوف ايه البلوج التاني ده.. يلا سلام يا فندم

WhItE HeArT said...

هاجي اقرى بس فعلا مشغول دلوقتي

ابقي عدي خدي التاج بتاعك من عندي

سلام

قلب ينبض لله said...

كل سنه وانتي بصحة وخير سلامه يارفيده

معلش متأخرة حبتين

عاوزة أقولك انك جميله أوي
ماشاء الله علي النقاء والحب اللي جواكي

الخاطرة اللي انتي كتبتيها دي خلتني أحب الدنيا أصل كنت كرهتها النهاردا

ربنا يباركلك يارب
دعوة من القلب أدعو الله ان يجيبها

سلام ياقمر

مؤمنه said...

السلام عليكم ورحمة الله وبركاته بداية كل سنه وانتى طيبه والى الله اقرب وفى طاعته ادوم وافضل
ملاحظة السيده مريم جزاكى الله عنها كل خير
كل ما زهدنا الدنيا تشوقنا الى الاخره وهانت علينا الدنيا بما اقبلته علينا او ادبرت به عنا
وفقك الله واعانك
والسلام عليكم ورحمة الله وبركاته

روابط said...

كل عام وأنتى بخير وصحة وسعادة

وفعلا مصر بخير

اميره الصعيد said...

كل سنه وانتى طيبه ولربنا اقربك ويوفقك لما تحبى وترضى ان شاء الله

دكتور مستكنيص said...

كالعادة باجي متاخر ممممممممم هقول ايه بس ؟ لكن والله غصب عني كل ماافتح بلوجايتك تحصل حاجة غريبة بالاقي البوست القديم فاقوم قافل فجربت اعمل ريفرش لقيت فيه شغل جديد اوي ودي بتحصل ساعات عموما ماعلينااااااااا
كل سنة وانتي بالف صحة وطيبة وراضية وقوية وعارفة انتي عايزة ايه وربنا موفقك فيه
متغيبيش عننا كده وابقي طمنينا عليكي وعرفينا اخبارك

عبد الحميد محمود said...

يااااه

سبحانك يا رب

وتلك الأيام نداولها بين الناس

التاريخ ده بقي غالي عليه قوي

....

وهزي إليك بجذع النخلة

مش هي برضه اللي قالت

إن الله يرزق من يشاء بغير حساب

وربنا يعلمنا

الحمد لله

كل سنة وحضرتك طيبة وبخير وقريبة من ربنا اكتر واكتر

وربنا يحفظك وينفع بيك يااارب

دعواتك

روح شرقيه said...

الله عليكى يا بنتى انا كل بوست بقرأه ليكى بحس انى بعرفك من زمان
كل سنه وانتى طيبه الاول قبل ما انسى وعقبال يارب كل سنه تبقى اجمل واحلى واقرب لرب الكون
ربنا يكتبلك كل اللى تتمنيه ويحققلك اللى يرضيه
عاوزه اقولك البوست اللى على المدونه التانيه اكثر من رائع
انا حسيت انى بسمع كلمات عن الاب وعن شخص فعلا انسان ربنا يعفى عنه ويطمنا عليه وعشان خاطر ربنا توصلى سلامنا لهذا المثال الكريم
وانشالله كل اللى هيمر على البوست بتاعك راح يدعى له
انا بعتذر لك انى تعليقى اتاخر
بس صدقينى لما بزور مدونتك بكون محضره كاسه شاى وبقعد بقى اكنى فى بيت اختى
ربنا يكتبلك الخير والسعاده
تحياتى ليكى
فى امان الله

روح said...

كل سنة وانتي طيبة ياخيطي الجميل
ويارب سنة كلها قرب من الله
ان شاء الله علي فكرة انا عيد ميلادي
كان بعد بيومين يعني 26/4
وكمان رينا 27/4
شهر ابريل دة هيبقي شهر العظماء
بعد كدة هههههههههه
تحياتي ليكي ياغالية

كلام على بلاطة said...

طبعا مصر بخير وان كره ا لحاقدون
مصر بخير وان زاد السارقون
مصر بخير وان سيطروا المرتشون
مصر بخير ولو اغتصبوها الجاهلون
مصر بخير لان الخير بها معجون
مصر بخير فى كل الاحوال والسنون
ناجح يوسف فهمى

momken said...
This comment has been removed by the author.
momken said...

الان
وقبل مرورالعام
وقبل دخول العام

فانت امراءه لا تحسب بلاعوام
انت سيده التدوين الاولى
وانت سيده الاحساس الاولى

ابحرى فى السنين كيفما شئتى
سافرى فى الاعوام كهجره الاسماك
وارجعى بالسنين كسرب حمام

كل عام وانت رائعه جدا
واطيب جدا..واشهى جدا
هذا العام وكل الاعوام

تحياتى

Eric Matt said...


مصر بخير .... بخير بخير


بجد بخير ... بس الصبر جميل برضو

جيت أسلم بس

تحياتي

الخيط الرفيع said...

هنودة حبيبة قلبي
وريحة الحبايب
وحشتيني قوووووووووي
خلي بالك منك قوي يا نودة
وزي ما اتفقنا اضربي الشهادة في جيبك وانتلقي
دعواتك طالع عيني
بس وما نيل المطالب وكل الكلام اللي انتي عارفاه بقي
يارب نقعد قاعدة حلوة زي قعدة الاجازة الللي فاتت
شخصيات مميزة
ههههههههههه
ماشي
ربنا يكرمك انتي وكل اخواتك ان شاء الله

الخيط الرفيع said...

محمد مفيد
وحضرتك بالف خير وسعاده وهنا
نورتني
بس فينك من زمان
ربنا يعينك

الخيط الرفيع said...

ولو
صدقنا اللي بيقول كلام جميل
من ورايا
ههههههههههه
وحضرتك بالف خير
فعلا حته جميله صدق الله العظيم

وبما انك مش معايا اني اقول للناس يروجوا هناك
انا بدعوك لو ماكنتش مسافر تروح هناك
في موضوع جديد
ودعواتك علشان الدنيا مدربكة علي الاخر

الخيط الرفيع said...

ياسمينه حبيبه قلب اختها
ازيك ياجاسمينه انتي وكل الناس اللي عندك
يارب تكونوا كلكم تمام وحشتوني قوي وبالذات الواد عمور
حبيته قوي سلميلي علي مامته وباباه وكل الناس اللي عندكم ويارب اجلكم قبل ما فيري تسافر
دعواتك وكل اللي هنا بيسلموا عليكي وعاوزينك يومين وانا اضم صوتي لصوتهم
منوراني جدا

الخيط الرفيع said...

ساكايار
انتي فين وفين دعواتك يا جماعة اختكم متبهدلة ازبطوا القبله بقي
ههههههههههههه
ازيك يارب تكون تمام قوي وماشية معاك وقبل ما امشي احب اقلك خلي بالك من بطوتنا
واسفة لتأخري علي بلوجكم الكريم حقيقي غصب عني بس بتابعك
وما ينفعش ابدا يتردلك سريعا

الخيط الرفيع said...

من القلب حبيبتي
اسفة جدا علي تأخري الطويل دا لكن واللله غصب عني

إميلي
almnnan2@hotmail.com
تشرفني معرفتك جدا
وربنا يجزيكي خير عن لطف كلامك واحساسك العالي

الخيط الرفيع said...

ههههههههههه
يا شريف والله الصورة بتاعتك دي بتموتني من الضحك وبشفق عليك من الدوخة رايح جي

شريف: خلينا نتفق انها معادلة صعبة ايوة لكن مش مستحيلة وانت بيها المستفيد الاكبر
وان جيت للحق بتبقي رزق رباني ربنا يوعدك ويوعد جميع المسلمين وانا كمان معاكم بية

وكل سنه وانتي بالف هنا وصحة وسعادة والي ربنا اقرب وعلي طاعته ادوم اخويا الكريم

وابقي روح للبلودج التاني تاني في موضوع جديدون لانج

الخيط الرفيع said...

وايت ربنا معاك يا ابني
ما انا جربت الدنيا عنكم جد قوي بس احسن استاهل
هههههههه
براحتك يا فندم
وعرفت موضوع التاج واوعدك بس بعد اول سبعة لو تسمح

الخيط الرفيع said...

قلب ينبض لله
حبيها يارضوي زي ما هيا بناسها بمكانك بالقسوة بالحزن بالفرح
الرحلة علي بعضها تستحق اننا نحبها ونعديها ومنركزش
اوعي اسمعك تقولي بكرهها ما تبقيش رد فعل واجبري الحياة ان تاتي لكي بما يسر قلبك ويسعدة
حقيقي بتوريني كنت خارجة انا وهبه يوم الجمعة وجبنا في سيرتك
ابقي طمنينا عليكي دائما
يا صديقنا الجديدة

الخيط الرفيع said...

مؤمنة
يااااااااااااااة وحشااااااااني قوي
حسة اننا من زمان ما تبادلناش الكلام الطيب والدعاء
ربنا يتقبل منك ويزهدك فيها ويرزقك بكل ما فيها ولكن لتكن بيدك ولا يسكن قلبك الا هو
ربنا يعينك ويكرمك دعواتك الامتحانات مقطعاني

الخيط الرفيع said...

حازم سويلم
والمعارضة والاضراب
هههههههههه
وانت بالف خير وسعادة وهنا ربنا ما يحرمني من لطف هلتك علي البلوج المتواضع
وشكرا قوي علي الاهتمام

الخيط الرفيع said...

امير الصعيد
وانتي كمان ربنا يتقبل دعائك ويجعلك منه نصيب
شكرا جدا منورني
يارب ما تحرمناش من مرورك

الخيط الرفيع said...

مستكنيس

اولا ازيك وربنا يخليك لاختك اللي بتقدرك جدا ومفتخرة بيك
انا الحمد لله تمام يعني تقدر تقول ماشيه رايحة علي فين
الله وحدة اعلم بس انا واثقة فيه وراضية ومتوكله
بلعب في الاهداف التشغيلية بحكم الامتحانات والزنقة
اما الاهداف الاستراتيجية حسة ان داخل عليها زلزال
دعواتك
من الان لاول سبعة
وبجد شكرا انك دائما موجود بما هو متاح لك
تسلم

الخيط الرفيع said...

اخويا الكريم حميد
ازيك يارب تكون بخير طمني هتخلص دراستك امتي وناوي علي ايه بعد كدا
انت حد موهوب بجد هحاول تستغل دا
وشكرا قوي علي احساسك الجميل
ويارب دائما بنسأل ونطمن علي بعض لانها ما كنتش حاجة اوام اوام
والله انا مفتخرة جدا اني عرفتكم جميعا وربنا يسعد قلبي بنجاحكم ووصولكم لما تتمنوه

وهي ايوة اللي قالت ان الله يرزق من يشاء بغير حساب
ماتنساش تطمني عليك وتقولي انتي فين وناوي تروح فين
بجد مهم

الخيط الرفيع said...

روح شرقية شكرا جزيلا
الف الف شكر اية الكلام الجامد دا طبعا بيت اختك وبيتك بس ابقي اعمليلي فنجان قهوة معاكي
ولا دا واجب علينا

ربنا يتقبل دعائك ويجعلك نصيب منه
:)
عجبك البوست اللي في البلوج التاني
يسلم اهتمامك ورأيك
اتمني نتقابل عندي وعندك علي طول دعواتك

الخيط الرفيع said...

روح
كل سنه وانتي طيبه يا قمري انتي ورينا
وربنا يبارك في اعمارنا ويجعلنا ممن يصلح عملهم ويزداوا بعمرهم منه قريب وتقوي
فينك
بقلق عليكي وبالذات لما اقعد ارحلك وانتي ولا حس ولا خبر
ماما نجحت في الانتخابات ولا................؟
ما قلتيش كملتي كام سنه
:)
شكرا علي مرورك ووقتك

الخيط الرفيع said...

alabalatta

ناجح يوسف فهمي اهلا بيك
ومصر بخير وكل اللي قلته بالظبط
هههههههههه
بكرة تروق وتحلي
روق انتي بسوكله هيبقي تمام لما نبقي نستحق

الخيط الرفيع said...

روح نسيت اقولك اني موافقة طبعا ان شهر ابريل هو شهر العظماء
هو في حد ينكر
ههههههههههه
ما تحرمينيش منك تاني يا اختي الغالية

الخيط الرفيع said...

ممكن
اية يا ممكن أممكن اللي انتي بتقوله دا
:)
شكرا قوي


سافرى فى الاعوام كهجره الاسماك
وارجعى بالسنين كسرب حمام

بس فهمني ازاي ههاجر أسماك وارجع حمام

هههههههه

بهزر طبعا
يسلم لطف كلامك واهتمامك اخويا الكريم الذي اتشرف بمعرفته
تعليق مميز

الخيط الرفيع said...

Eric Matt

اهلا بيك ويارب تكون غيرت رأيك في هجرة التدوين
ومصر بخير طول ما احنا موجدين

والله يسلمك ويكرمك
ويارب تيجي تنور البلوج دائما
وشكرا علي مرورك علي البلوج التاني

Unknown said...

شركة تسليك مجاري بالخبر
شركة المثالية للتنظيف بالخبر
شركة المثالية لتنظيف المنازل بالخبر
شركة الصفرات للتنظيف