ممكن تقول الكلام دا لمين؟؟؟؟؟؟؟؟؟؟
عايزة حضنك يكون شط أمان لي
بعد توهاني في أمواج الحياة العاتية
حيث أني زورق صغير
ضعيف
يعافر
ليصل شطك بعد رحلة شاقة في عالم عاصف
يكاد يكسر شراعي
ولكني وأنا في أوج ضعفي............. أتجلد
بمجرد تذكري لوجودك و أني أقترب من الارتماء أمامك
فتساعدني كما ألفتك دائما تأخذني هامدة
حيث أني زورق صغير
ضعيف
يعافر
ليصل شطك بعد رحلة شاقة في عالم عاصف
يكاد يكسر شراعي
ولكني وأنا في أوج ضعفي............. أتجلد
بمجرد تذكري لوجودك و أني أقترب من الارتماء أمامك
فتساعدني كما ألفتك دائما تأخذني هامدة
وبكل جدارة تعيدني بيدك الحانية إلي الحياة بكامل قواي
RSS Feed (xml)
35 comments:
بما إني أول واحد هيرد ... فلازم ولا بد... اقول شكرا لعودتك ... وعقبال الناس اللي عندها امتحانات تخلص وترجعلنا هيا وكل الناس الغايبين بالسلامة
أما عن البوست ...فأنا عن نفسي مش بلاقي ملاذ ليا ف أي وقت ضيق غير ف بيت ربنا لو معرفتش أكون هناك بيبقى مع صديقي ... المصحف ... مجرد كلمات قليلة من كلام ربنا ... بتنسيني كل شيء وترجعني لبر الأمان
بجد سؤال جايلي ف وقته
تحيااااتي
إيه ده ؟؟؟ هوه مين الجدع اللي فوق ده؟؟؟ الغرزة دي غرزتنا واللي هيسبقنا فيها نقطعله رجليه ونخيطله عينيه ... ماليش دعوة بقى أنا الأول
باشا .... يا ريت تزورينا ف بلوجة فلااااش بااااك يهمني رأيك في الاستمرار آه ولا الأسلوب عايز تظبيط .... اللينك بتاعها على بلوجتي وهتلاقيه معلق عندك في البوست اللي فاااات
سلالم
أهلا وسها بأهل اوربا والدول المتقدمة عندنا دعوة مقبولة
وشكرا ان خيطي الرفيع عجبك
طبعا يا سكايار البلوجة بلوجة حضرتك
ردك تحفة
انا شخصيا عندي تجربه مع ربنا في الموضوع دا زمان كان بيخليني لوحدي في كل مشكلاتي وينورلي ناس من بعيد وكل ما أقرب منهم يضيعوا لحد ما فهمت الدرس ملكيش غيرة
وبعد ما اتعلمت
برحمتة بيخلي الناس حواليا
انا شفت تعليقاتك عندنا احنا الثلاثة
شكرا بجد علي محاولتك مشاركتنا
والله احنا الحمد لله كويسين
هو من حقة يختار ومن حقه علينا علشان بنحبة
نتحمل نتيجة هذا الاختيار مهما كان
مؤلم أو أكثر من قدرتنا علي الاحتمال
لازم هنحاول نكون أكبر منه
وبيني وبينك الواحد مفتخر بهذا الرجل
بصرف النظر هنتفق مع الي حصل أو لا
راجل عنده مبدأ مستعد يديله أي حاجة
وهو كدا مع كل حاجة في حياتة مش مع المبادئ بس
معانا ومع أصحابة و مع أخواته مع ربنا مع الحياة بشكل عام
نظرة تقدير يارب تشوفها في عين أولادك ليك
بجد مشاركة انسانية مشكور عليها مننا جميعا
جزاك الله خير
ويجزيكوا مثل الخير والمسلمين
متفق معاكي جدا في كلامك ... يا بختو بيكم بجد ... روميو هيبدأ يغير إن فيه ناس مخيبين ظنه في البنات
ربنا يحميكم ويعينكم
كان بيتهيقلي اني أول واحدة هرد عليا
لكن الرد نصيب
المهم لو السؤال ليا
انا هتلبخ ومش هعرف أرد؟؟؟؟؟؟؟
لان السؤال يقصد شخص في حياتك تقولة هذا الكلام
ياتري انا هقول لمين ولامين الكلام دا
...........................
ولكني أحب وأتمني
أن أكون هذا الشخص في حياة كل من حولي
وممكن يكون دا
هدف من أهدافي الغير معلنه في الحياة
احنا هنقطع على بعض ولا إيييه؟؟
بس مفيش مشاكل ... حطي انتي البسمة على شفايف اللي حواليكي.. وانا هحط البسمة على شفايف اللي حواليا ... بس محدش يلعب في منطقة التاني
بما اني تاني واحد ارد طبعا بعد الحوار الغير طبيعي اللي فوق ده اللي كسلت اقراه
انا شايف ان البوست جميل وفيه معاني حلوه ومش هقدر افصصه عني امتحان فيزيا بكره عقبال عندكو
ومحدش يسألني ايه اللي مدخلك على النت
سلام
اهلان اهلن بعين شمس
أزيك يا ابني شد حيلك
خلي بالك وربنا معاك
انا عارفة انك متبهدل قوي
بس معليش كله يهون بكرة الحياة العملية تزبطك
محدش يقدر يقولك
انت نورت النت لية
ونهضة مصر بتسلم عليك
روفى حلو اوى البوست وكلامه رائع
خصوصن اتجلد
عالية اوى
وتتوهى فعلن تقولى الكلام دا لمين؟
وخاصتن فى اللى احنا فيه دلوقتى
ربنا يخليكى ليا يارب
بس بطلى انتى كمان كدب مش بس حلاوة هو اللى بيكدب
احنا طلعنا كلنا كدابين اوى
وكويس اننا قفشين بعض
بس هنعمل ايه
حلها عند ربنا
الحمدلله
عشان خطرى خلى بالك مننا
سلاموتو
هخلي بالي منكو يا ختي
امال هخلي بالي مني لا سمح الله
وبعدين اية دخل قضية الكذب في الموضوع
ابوس ايدك ركزي يا زنا............وبلاش
ندخلي كله في بعضة
محدش كداب كلنا ناس بتحس قوي ببعض بس بتعرف تعلوا علي دموعها والامها واحزانها
وبعدين هو ايه اللي احنا فية
الف حمد وشكر لله
لعلة خير
شادية لصلاح ذو الفقار فى فيلم جعلونى مجرما
ههههههههه
ده هزار
وانا قاعد لوحدى
محبش اشكى علشان ميشيلش همى
هههههههههههههه
أضحك الله سنك
وبالنسبة لانك بتعيش اللحظات دي لوحدك
ليها وجهين
الاول انك بتكون كتاب مقفول علي سرك وهمك ودا حلو
لان مش كل اللي بنعرفهم وبنستريحلهم في لحظة ما بيكونوا كدا بعد ما تشيلنا الحياة وتودينا معاهم
والوجهه التانية أنك بتحرم نفسك انك تقسم همك علي اتنين او تلاته جرب يكون لك حد هتفرق معاك نفسيا قوي انك تحس بالدعم في أوج همك دي حاجة مش هقدر أوصفها لحضرتك
نورتني تحياتي
الكلام من حد انسان انسان
بس السؤال صعب
لو ممكن اتكلم فممكن اتكلم عن مواصفات الانسان اللى يستحق يتقال الكلام ده له
انسان يحسنى من غير ما اتكلم
يفهمنى من غير ما انطق ممكن يفهمنى من نظرة عينى بس من اقل كلمة ممكن اقولها يعرف مالى
حد يقدر يستوعبنى
مش لازم يبقى معاه مفاتيح الابواب كلها بس على الاقل احس انه عمل كل اللى يقدر عليه فى مساعدتى حاول و جرب
مين الانسان الانسان
هل تقصد اللي كاتبه البوست ؟؟؟
اكيد وطبعا عندك حق طول عمري أقول انك بتعرف تقدر البني ادمين
أخجلتم تواضعنا والله
معاك أن السؤال صعب
وحلو طريقة حضرتك في الرد قوي
فعلا ممكن تكون لسه ما شفتش اللي ينطبق علية الكلام
بس عمق منك يا هندسة انك تحاول تدور علي صفاته
بابا دايما بيقول المهندسين دماغهم متستفة
بس شديد الكلام بتاعك
والله أشد من البوست
بس الناس اللي بتفهمك من غير ما تكلم
يا عندها امكانيات خاصة
يا كتر عشرة معاك فبتفقسك علي طول
كلام جميل
كلام معقول
اوروفوار
من ناحية انى لقيت الحد ده او لسه فالحمد لله انى لقيت الحد ده و كذا حد كمان
الفكرة انى الواحد ممكن يكون بيرسم صورة لصفات الحد اللى هوه عايزه يمثل عنده حاجه معينة و يفضل يمشى فى الحياة لحد ما يلاقى الحد اللى يقدر يملى الصورة دى
الحمد لله بقيت الناس اللى يملوا الصور عندى و الصورة كذا صورة بس كلهم طبعن طبعن أصل
رغم اختلافنا مع بعض ف نقطة او كام نقطة كدا الا اننى بعتز جدا انى قابلت و عرفت الراجل ده يا بختم بيه بجد
لا تحسد
واكيد برده كتر العشرة لازم تخلى الناس تفهم بعضها
أهلا يا طهقانة ازيك
منوراني خالص والله
مقدرش اقول حاجة عنه
اوروفوار
ولا حسد ولا حاجة ما هو أكيد ابونا كلنا ولا اية
لأ بقولكم إيه ... إيه موضوع أبونا ده ؟
أنا كنت فاكر إن أنا الوحيد اللي بقول للناس والمشايخ وباباهاتنا يا بونا ... دلوقتي هعمل ايه يا مقدس؟؟؟
أخباركم إيه يا ولااااد والناس بتوع الامتحانااات طمنوني ... وطمنوني على بونا بس بجد مش هزااار... سكايار .. مبيحبش الهزااار ...
Raaaaaaid
crushshshshshsh
انا قلت الكلام ده فعلا بس اللي قلتله سابني اغرق
حلو الكلام
الله الله الله
من اروع الأحاسيس اللي قريتها بجد
احساسك في قمة الورعه و اسلوبك في قمة الأبداع
تحياتي
أخباركم ايه؟
كيلو البرقوق نزل من 8 الى 6 جنيه
أستنى يرخص كمان
ولا أجيب كل اللي في السوق
تحياتي للجميع وحشتوني
معلش يا سندباد
بس لو كان دا حصل يبقي لو تسمح انت مش أحسنت اختيار الحد اللي يتقالوا الكلام دا
ركز وافهم الناس كويس
واقبلهم زي ما هما
حتي لو كانوا ورد بشوكة
او لو سابوك في محنتك
حب الناس من غير شروط
بس لو خرفوا معاك اتعلم تشد ودانهم بحنية هيسلكوا
كراكيب عادل
لو كان كلامي عجبك
فالصور اللي عندك بتاخد العقل تسلم هيك الكامير الفنية الربانية اللي تبعك
يا هلابيك يا برويد
شكرا شكرا
علي المرور وعلي الاعجاب بالكلام
وعيزين كمان من يوميات الست الشرقية
بجد بلوجتك حلوة قوي
يا اهلا وسهلا يا حلاوة
ابوس ايدك ركز اية دخل البرقوق في الاحساس والكلام الرقيق
وزعلان ان كل الناس اخواتك ما هو من ايدك يا بتاع البرقوق
وبعدين خلي ال6 جنية نجيب بيهم سيرلاك لملك ولا للبتانستو اصلها لسة بتحبة
وبعدين الحمد لله اخبارنا الحلوة معيشاك في نعيم تنكر
انكر كدا
ما تنكر
يلا انكر
بج ميرسي لطلتك اللي بتهديني وتطمني
و الله مش عارف
مفيش حد اقوله الكلام ده بس
ايه ده البرقوق رخص
طب لما احلق بقى اجيب قبل ما يخلص
إحساس البوست جميل والفكرة اجمل
بس معلش عندي تعليق نون اوي..اول عبارتين في البوست لو اتظبطو شوية صغيرين بجد بجد هيكون بوست علي حافه الكمال فعلا....لان بجد احساسه حلو اوي والجمل مابعد الجملتين دول تركيبات حلوة اوي اوي وخيال جميل
........
اختيار موفق اوي في الصورة
تسلم ايديكي
ومعلش طولت عليكي
مي حبيبتي هنا أهلا وسهلا
رأي أهتم بمعرفته والله
ما حدش شكرني علي الصورة غيرك يسلم زوقك ورقتك
وبعدين يا بنتي بتسمي دا طول
ههههههههههه
البلوجة بلوجتك
نورتيني
انك مش عارف تقول الكلام دا لمين الغلطة غلطة الهانم أختك مش شايفة شغلها كويس
واذا كانت مقصرة معاك نخويك بست ستها
ونعندك علي الرف التاني في الدولاب أخت ركنة شمال جمب الحزام التيشيرت البينك في رصاصي
ايوة مطبقاه انا هناك
انا ادري
هي ....................لوفي
وبالنسبة للبرقوق اه رخص بس هات فراولة أحسن
شغل ايه اللى مش شايفاه ده يا أوووختى
الواد مظبط نفسه على الاخر
تعالى شوفى ليست موبايله يا أبلتى اشى هبه واشى صافيناز ... ربنا يستر على ولايانا
عيب يا بنت الكلام دا
انتي عرفة انت بتتكلمي عن مين
وبعدين
بلاش العقلية الشرقية العقيمة في تصنيف العلاقات الانسانية العادية دي
انت دايما كدهوا ظنانة
Post a Comment