ربما نتأدب بوصفه ضعف
هل إيماننا بالأفكار واعتناقنا للمبادئ يتكون بشرط
ما تحققه لنا من منفعة وسلامة ؟؟
أم أنه إيمان صافي غير مشروط مبني علي إعمال العقل والقلب..معا؟
إن كنت ممن يسرعون بالحكم النظري علي الأمور
أتفق معك أنه من كمال إنسانيتك
وشعورك بآدميتك أن تتمتع بهذا الحق
لكن كي تستمتع بكمال إنسانيتك يجب أن تدفع كثيرا
وكلما كان اختيارك جرئ كلما زادت الفاتورة وزادت التكاليف
ولذا أحرص فإن إعادة الحسابات قبل الألم واقعية بدنو إنسانية
وبعد الألم
خواء عقلي وقلبي كبير ينم عن نفاق شديد و لربما نتأدب بوصفة ضعف
RSS Feed (xml)
37 comments:
الإيمان بفكرة ليس مشروطاً ببذل
ربما أؤمن بأن فلان شخص نضيف جدا ... لكن مش لازم علشان انا مؤمن بكده ابدأ أكلم الناس واعرفهم انه نضيف
لكن العمل لفكرة يقتضي الإيمان بها والعمل من شروطه تحمل كل العواقب طالما أمنت بالعمل للفكرة
لكن في الأصل يتحرك العقل الباطن للمنفعة والسلامة ... إما للفكرة وإما لأنفسنا
مثال عميق أوي
الاسلام
رضى الاله والجنة دي المنفعة
العمل ... الدعوة
العواقب ... تصل لبذل الروح
لكن هل لو كان بذل الروح بدون مقابل كنا هنطلب بذلها؟؟؟
مأتوقعش
النفس البشرية مخلوقة على البحث عن المنفعة ... واجتناب الأخطار
ده بالنسبة لأول سؤال
يعني هوه متهيالي كده ده ميتنافاش مع إعمال العقل والقلب
لإن الإيمان بالفكرة محله ارتياح القلب بعد إعمال العقل فيه ... ولكن العمل للفكرة هوه المبني على المنفعة والسلامة
ثانياً مبروك على البلوجات الكتير اللي حضرتك فتحتيها وهتفتحيها ... ياريت كان معايا مقص أقص الشريط من عندي
اما عن نقطة الانسانية فده طبيعي اوي ومعاكي اوي فيه
انا كل ما بحسني بذلت حاجة لحد او اسعدت حد ولو على حسابي بحسني انسان اكتر
لكن مش بحاول اعيد حساباتي في البذل ده طالما انا ارتضيته م الاول وله منافعه حتى لو مش ليا بس يكفيني الشعور باني انسان
اسف على عدم وجودي ع البوج دائما لكن والله انا بكون موجود على شاوتي كتير اوي لان ده غالبا البلوج الوحيد اللي بفتحه ..اللي هوه بلوجي يعني
هههههههههههه
ربنا يكرمكم ويسعدكم ويباركلكم في حياتكم
تحياتي لجموع الشعب
سلاااااااالم
سكايار رجع اول تعليق
هههههه
اولا ازيك؟؟ يارب تكون تمام قوي
وظروفك في تحسن وخير
بالنسبة لكلام بتاعك لا أقصد الايمان بشخص وان كان كلامك منطقي جدا
ليس شرط ان حد نضيف معايا بيقي نضيف مع الكل والعكس
لكن العمل لفكرة يقتضي الإيمان بها والعمل من شروطه تحمل كل العواقب طالما أمنت بالعمل للفكرة
لكن في الأصل يتحرك العقل الباطن للمنفعة والسلامة ... إما للفكرة وإما لأنفسنا
.........ز
بالنسبه للحته دي بردو معاك جدا
اما حكاية مثال الاسلام اشمل من اللي انا بتكلم عليه خلينا نسقط كلامنا علي المفاهيم العادية اللي بنخترها بمزجنا في الحياة
جميل قوي انك بتطلق علي المنفعة المنفعة الغيبيه الي هيا وعد من الله
بالجنه او الحسنات او الاجر
عاليه قوي الحته دي
لكن الجزء الاكبر من الناس بيشوفوا المنفعة اللي هيلمسة في الدنيا
النظرة المادية للأمور
يعني هوه متهيالي كده ده ميتنافاش مع إعمال العقل والقلب
اختلف معاك الناس انماط منهم اللي بيستخدم القلب ثم العقل ومنهم العكس ومنهم الي بيستخدم الاتنين
او بيستخدم واحد بس وقمة الاتزان اننا نعرف نزبط كل حاجة في وقتها
ودا يمكن اخدته في علم الادارة السنادي مع دكتر راقي قوي ربنا يكتر من أمثاله
ههههههههههههه
فريق عمره ما بيلخص ابدا
بالنسبه للبلوجات وكأنك والله قصيت بس خلي بالك من كل حاجة عندك علشان نفرح بيك وبطوتي قريب ربنا يكرمكم
حلوة اوى مدونتك
وطريقة كلامك كمان جميلة
دى اول مرة ادخل عندك وان شاء الله على طول
كل اللى انتى قولتيه وصلى اوى عشان انا حساه فعلا مع صحبتى الانتيم
تحياتى
رصيف نمرة خامسة والشارغ زهام وساكت كلمنا ما............أهلا ومرحبا بيكي في الرصيف اللي علي الناصيه
ايمان .......صح
نورتيني طبعا واتمني ما يكونش اخر زيارة ويارب تكون عجبك المدونه
وبصراحة مش فاهمة ازاي اسقطتي الكلام علي صاحبتك الانتيم؟؟؟؟؟؟؟؟؟؟؟؟؟
والكلام يقصد المبادئ والاختيارات الاختياريه الذي يري فيها الانسان ذاته
وطبعا بعيد عن العقيدة والدين والحاجات دي
اتمني تفهميني الكلام ركب ازاي معاكي علي البني ادمين
بجد عندي فضول أعرف لانه أكيد هيضيفلي
يسلم تغزلك في مدونتنا المتواضعة
شكلك حبتيها علي شان البمبا والموف لانهم شكلهم من الوناتك
لا اعتقد ان الايمان بالمبادئ مبني على تحقيق منفعة او نحو ذلك
فلو كان
لما قضى كثير من اصحاب المبادئ في العالم دون مبادئهم
بذلو وضحوا وآثروا مبادئهم على منافعهم الشخصية
هكذا يكون الايمان بالمبدأ
...
سلامات مسبلات
العاشقة
هذا يكون الايمان بالمبدأ
كلام لا يقال بعدة كلام
نورتيني واسعدتيني بالمرور
هل إيماننا بالأفكار واعتناقنا للمبادئ يتكون بشرط
ما تحققه لنا من منفعة وسلامة ؟؟
أم أنه إيمان صافي غير مشروط مبني علي إعمال العقل والقلب..معا؟
بصى ياستى
ايمننا بالمبادئ غير المشروطة اساس علاقتى باللى كانت انتيمتى 20سنة وانى تعاملت معاها طول مدتنا العريقة دى بايمان مبنى على القلب فقط مش كفاية تبقى طيبة وانا عارفه كده كويس بس بتتعبنى بمعنى انى لازم اعمل العقل قبل القلب فى حاجات كتير فى زمنا ده
هتفهمى وجهة نظرى لما تيجى وتقرى تدوينة غدر دمعة كويس وبتمعن
وكمان مبادئنا وافكارنا اساس ظهورها فى العلاقة بين البشر
يلا تصبحى على خيييير
بالنسبه لموضوع اغانى الشيخ امام حتلاقيها على موقع سالميه دوت نت
http://salmiya.net/
اغانى مصريه اول مجموعه وليه عوده فى التعليق لظروف العمل انا جيت بس اوصل الامانه الى طلبتيها
رصيف نمرة خامسة والشارع زحام
انا رحت وايييييييييييييه ده؟؟؟؟
العلاقه لم تكن سوية بين صديقتين او قريبتين ابدأ
المشكله انك كنتم متلازمتين طول ال20 سنه
اجهل ان يكون هذا حب ممكن يكون تعود
كانت بتستهلكك كدا وانتي بتشحنلها نفسك
او جاير تكونوا ما قدرتوش تفهمو بعض وانت شيفاها كدا.....ودا مش حقيقي
وهي بردو شيفا صورة سلبية جايز جدا يكون عندها حق فيها أو معندهاش
وممكن ارتباط الاختين القوي هو اللي كان سبب في قرب اتنين ما بيركبوش علي بعض انتي وبنت خالتك أقصد
علي العموم
حبي وخلاص مش لازم الناس تكون تستحق او تعطيكي حب بحب او تدعمك في أقسي وأمتع لحظاتك
بس
لا تستهلكي نفسك علي أحد
احترمي قلبك ومشاعرك أكثر من ذلك
انتقي من تقربين منك ان كنتي ترحبين بكل ضيوف سيناريو حياتك
ولو الكل قريب منك اختاري مين يكون قربه اقرب
فخامة الرئيس
والله خمس نجوم اللي بتعمله فخامتك
شكرا جزيلا وفي انتظار تعليقك اللي بيهمني جدا اعرفة
اما بقي الشغل ربنا يعينك ويقويك ويفتحلك ابواب الخير اينما كنت واينما كانت
نورتني كالعادة
اعتقد ان من ده علاده يعني ساعات بتقون الايمان بالافكار لمنفعه وسلامه وساعات ايمان بالفكرة كفكره
دي وجهة نظري في الموضوع
وبعدين مكنش ليها لبازمه الكلمات المعقده دي اللي بقعد ادور في دماغي على معناها وباخد وقت خلي الامور بسيطة مش ناقصين تعقيدات
تحياتي
الف مبروك البلوجات الجديده
انشاء الله من نجاح لنجاح ديما
ومع خالص تمنياتى بالتوفيق
ــــــــــــــــ
المبادىء ابدا لا تتجزاء ولا ترتبط باى نفع شخصى... مادى كان او معنوى
ابنِ آراءك عن الناس من واقع رؤيتك أنت لهم
لا كما يراها الاخرون
فقد يعجبني من يراه غيري غير جدير بالاعجاب
فإن كنت تملك القرار في اختيار ما تأكل
فالعلاقات الإنسانية أجدر بذلك القرار
اما عن الضعف فانا ارى ان الضعف صفه كالقوة ولا تقل عنها
فربما يحتوى الضعف على الرحمه والرقه
وهؤلاء لا تحتيوهم القوى
تماما كالفرح والحزن
يجب ان يكونوا موجودين بداخلنا
اما النفاق والرياء فارى انهم افات او امراض تصيب القلوب ويجب العلاج منها
تماما كالامراض العضويه
البوست رائع تحياتى
عزيزتى صاحبة الخيط الرفيع.. أعجبنى فعلا هذا البوست والبوست السابق بالمناسبة الخاص بالعلاقات الأنسانية
وبالطبع يجب ان يكون ايماننا غير مشروط وقائم على اعمال العقل والقلب وان كان فعل الصواب يستوجب منا احيانا التغاضى عن القلب
مدونة مميزة هأضيفها عندى باقتناع
تحياتى
حبيبتي
أحيانا فيه حاجات حوالينا مش ينفع نفكر فيها غير بقياس مدى المنفعة منها، بس أنا شخصيا -حتى لو حاولت- مش بعرف
شايفة إن الإيمان بالمبادئ هو إيمان غير مشروط تماما
بقوللك... أنا هبطل أمشي معاكي عشان سمعتي هتبقى وحشة ويقولوا عليّ واحدة بتفهم و بتكلم فلاسفة
:p
إيييه يابنتي الكلام الكبير أوي أوي دة؟ أسلوبك بجد صعب!! بس متميزة جداجدا كعادتك
:)
على فكرة عجبني أوي تحليل سكايار
يارب أشوفك تاني قبل ما أموت يا روفي :)
فهمت من كلامك ان الايمان بفكرة ممكن تكون علشان بتحقق منفعة ما أو سلامة ما
جميل ومنطقي
وليس كل ايمان مرهون بهذين الشرطين
معاك جدا
......
وبعدين مكنش ليها لبازمه الكلمات المعقده دي اللي بقعد ادور في دماغي على معناها وباخد وقت خلي الامور بسيطة مش ناقصين تعقيدات
هههههههههههههه
والله انا بقلي كدا بردو
بس فين نلاقي سمعان الكلام
حاضر يا فندم
ممكن
انا ارى ان الضعف صفه كالقوة ولا تقل عنها
فربما يحتوى الضعف على الرحمه والرقه
وهؤلاء لا تحتيوهم القوى
تماما كالفرح والحزن
يجب ان يكونوا موجودين بداخلنا
بعد جامد جدا
وحته عاليه قوي
يا ابني انت بجد عندك بعد جديد
كون
المبادىء ابدا لا تتجزاء ولا ترتبط باى نفع شخصى... مادى كان او معنوى
جميل جدا لكن هناك نسبية بيننا كأشخاص
وبين بعض
واكيد دا انت شفته في حتت كتير
نورتني طبعا كالعادة
شكرا لاهتمامك الدائم
حازم سويلم
مدونتي متميزة وستضيفها باقتاع
يا سيدي أخجلتم تواضعنا والله
علي العموم دا شئ يسعدني
وكل اضراب وانت طيب
هههههههههههه
هوبي
والله عقدتيني بكلامك دا
ايه تشفيني تاني قبل ما نموت والجو دا
لسه هنروح مع بعض ان شاء الله حتت كتير
في في البروجرم
اوبرا وساقيه وخيل وتحرير
واسكندريه
ممكن شاغلني الحاجات اللي بتحصلي ورا بعضها
لكن بابا جه اخيرا وهفقلك يا قمري وهدلعك اخر دلع
برتاح معاكي
ولازم طبعا يعجبك تحليل سكايار
انا اخواتي مش اي حد دول علي اعلي مستوي
العزيزه الخيط الرفيع
الايمان بمبداء او قضيه او ماشابه ذلك بيعنى فى كل الاحوال الاستعداد لدفع فاتوره كامله غير منقوصه دفاعا عن هذا المبداء اما الحديث عن غير ذلك فهو خواء لايعنى شى البته
مع العلم انى ايمانك بالقضيه يقابله ايمان من اخر بقضيه اخرى ودفاعك عن قضيتك لا عنى الحجر على حق الاخرين فى دفاعهم عن قضيتهم
موضوع النفاق اتفاقى مع اخر فى نفس الايمان بالمبداء او القضيه لايعنى نفاق الا فى حاله كونى اجامل الاخر فى دفاعى عنه
ومعاكى انها تادب تحسب ضعف فى حالات الانسحاب
احم احم
انا هنا اول مرة وبصراحة ومن غير مجاملة مدونتك افكارها راقية وحسيت انها بتحترم عقلى
ثانيا بالنسبة لموضوع البوست ده ، فأنا عندى نقطة جديدة عاوز اضيفها
احيانا بتكون المنفعة هى اللى بتهد المبادىء .. يعنى مثلا واحد عنده مبدأ ما يرشيش وبعدين وقف فى طابور طويل عريض ومش هيقدر يخلص مصلحته فبيضطر يتنازل عن مبدأه فى سبيل تحقيق المنفعة
يعنى الموضوع ممكن يكون معكوس برضه
*****************
انتظرينى هنا دايما لأن مدونتك لفتت انتباهى
فين الجديد
هنفضل منتظرين كتير ولا ايه؟
اول تعليق لى على مدونتك
بس مش هعلق على موضوع البوست لانى مقرئتوش لضيق وقتى الان
بس مان فتره قريت ليكى بوست فرق معايا كتير
ونفسى ازور مدونتك عشان اكتبلك كده
بس اعذورينى لضيق وقتى
جزاك الله خيرا كلامك رائع
ومدونه ممتازه
كلامك خطير ياروفي
حطني قدام نفسي وفعلا وصلني قوي
ربنا يكرمك بجد
:)
فخامة الرئيس
أدام الله بقائك
اهلا ومرحبا بك في حته من جمهوريتكم
الاستعداد : هي دي الكلمة السحرية عندك استعداد ولا المعيله من أو قرصه هتشغل
وجميل قوي
ذكرك لحتت الإختلاف المتحضر الذي لا يعني بالضرورة خلاف همجي بين الاطراف
فمن رقي أفكارنا ان تتعايش مع من تختلف معه
فكرة السبعة والثمانية
لو رسمنا سبعة علي ورقة وفريق بص عليها من فوق وفريق تاني بص عليها من تحت
كل واحد هيشوفها حاجة ويصر والفريقين صح
دايما منورنا والله اخ عزيز اتشرف بتعرفي علي دماغة
استراحة محمد
احم احم
شرف لينا ان الزيارة الحمد لله تمت يا اهلا وسهلا بيك أخ كريم ينضم لبوكيه البلوجتيه هنا
وبصراحة بردو ومن غير مجامله كلامك أسعدني جدا ودماغك بردوا لما عديت أخد فنجان قهوة في الاستراحة عندك لفتت انتباهي ببوست عبقري عن البني ادمييييييين
والمثال بتاعك:يعنى مثلا واحد عنده مبدأ ما يرشيش وبعدين وقف فى طابور طويل عريض ومش هيقدر يخلص مصلحته فبيضطر يتنازل عن مبدأه فى سبيل تحقيق المنفعة
يعنى الموضوع ممكن يكون معكوس برضه
.........
ممش عارفة اقولك ايه صراحة بس البيئه المحيطة ممكن فعلا تفرض عليك تصرف تعمله وانت مش راضي!!!!!!!!
بس لو ثبت يكون أفضل
نتعلم ان لا نتنازل في المواقف البسيطة ربنا يدينا مواقف كبيرة نكبر فيها
وكلما كانت المشقه كان العلو الانساني
لو طابور في مصلحة حكومية
ما ترحش مثلا واحدة اتنين اجري من 8 والشعب المصري نايم
والموظف او الموظفه لسه جايين وخدين وش جبس في البيت تبسم لهم ابتسامة تحسب صدقة وخلص واجري كمل نوم
او شوف اي تحايل يخليك دائما عندك نظرة مرفوعة الرأس لنفسك
جايز يكون كلامي يبعد عن الواقع سنه لكن في امكانية لحدوثة لو نجرب نعيشها صح بذكاء وتحايل علي الغلط
لان مهما كان الغلط سائد وقلب الحق باطل في بلدنا لازم يفضل حد مصر من الاصرار علي رايه نضيفة
........
جملتك الاخيرة بتاعه المدونه لفتت انتباهك وانك هتكون هنا علي طول وكدا يعني
اسعدني جدا شكرا علي وقتك واحساسك الطيف
واهلا بيك اخ كريم وصاحب بلوج
ممكن
يا هلا يا هلا بمكن صاحب حوار مع حكيمة
بس بصراحة انت مستعجل شويتين تلاته
دا انا كل شهر بوست
بس علشان خاطرك في بوست اربعه وعشرين اربعه
اليوم الجميل اللي بقدره جدا لحدوث حدث عظيم بالنسبة ليا فيه
وهو اني جيت الدنيا الي بحبها وبخاف منها وعندي استعداد كامل لكل ما ستأتي به طمعا في فهمها وتلخيصها في سطور قبل رحيلي
شكرا علي كلامك كله
وعلي الدروس اللطيفة اللي بتمتعنا بيها ربنا يكرمك ويتقبل منك
من القلب
اسم جميل قوي
انا دمعت من كلامك قوي
ودا لاني عارفة اني مش حد فظيع في الكتابه
بس الفكرة او النيه اني احس بحاجة اجي هنااقولها بأمانه
بألفاظ بتتركب ساعة التجربه فتخبط مع حد تعمل معاه أي حاجة
فهماني؟؟؟
وساعات كتير يكون الوقت ضيق واستخسره بس انا بحب الاستمرار في ما بدأت جدا
وبالاضافه لما قلتيه فلن أستخسر ابدأ
شكرا انك رغم ضيق وقتك لم تبخلي علي بكلمات كونت احساس جميل جدا جوايا
تسلمي
بس لو فيها غلاسه هاجي اسألك كان ايه البوست
زياره قريبه لقلبي جدا
لانك جرجتي فيها احساس من القلب
دوستي بيه علي حته مهمة عندي
اهلا بيكي اخت قريبه من القلب
روفي
يا اهلا يا اهلا بصديقتي اللي اسمها علي اسمي
مش عارفه ارد علي كلمتينك اللي خبطوني
وان الكلام وصلك
يااااااااااااه
الحمد لله
بحلم طول عمري اني شخبطي او احساسي او كلامي المباشر
يسعد حد او يوصله لحاجة يرغب فيها او يفجر ايمانه بأي حاجة حلوة وصح
بحس بمتعه جدا في دا
دي سعادتي في الحياه
فشكرا قوي وبجد
انك وصلتيلي احساسك دا
ولوني بردوا ارجح الاستعداد العام
اللي عندك او بمعني انك كدا كدا كنتي هتوصلي بس وتواصوا بالحق وتواصوا بالصبر هي اللي اشتغلت
والمهم في الاخر اني فخورة باللي قولتيه
تسلميلي
هل إيماننا بالأفكار واعتناقنا للمبادئ يتكون بشرط
ما تحققه لنا من منفعة وسلامة ؟؟
هو الكلام هواللى حاصل لو المبادئ مالهاش نففعة عالطول بنتنازل عنها والحكاية دة شفتها كتير وتحباتى لكى
رئيسه حزب الاحلام يا هلا
اوك
بس ياتري في فرق بين رأيك في الموضوع وفي اللي بتشوفية؟؟؟؟؟؟؟؟؟؟؟
نورتيني
والله اذا كان الايمان بالله على بعضه مربوط بالجنة ( وهي مصلحة ) والنار ( وهي مش مصلحة ) رغم استحقاقه سبحانه للعبادة على اي حال ..
يعني حاجة كدة ..
محمد العدوي
افهم ما تقول
ولكن هذه عبادة العموم
والارقي من ذلك بمراحل عبادة الخصوص
ان تعبد الله لله لاحساسك به
حبا فيه وليس لوعد بجنه أو لنعمه
في الفكرتين
وسعيدة جدا بوجودك هنا
نورتني
وبالنسبه لمثالك يعني كنا شفنا جنا ولا اتلسوعنا في نار
اهو كلها غيبيات نعتقدفيها لثقتنا فيما جاء من عند الله
انك تصدق دا
أكبر دليل انك مش بتاع مصلحة لانك في سبيل دا ممكن تدفع عمرك وفلوسك وأمانك وصحتك
فكرة الشهادة دا ضررر قريب يصحبة عقيدة في نعيم بعيد
ومش بتاع مصلحتة اللي يفكر كدا لا دا بتاع ربنا ومصلي وحاجج بيت ربنا سبع مرات
الايمان بالفكره مش لازم تبقى ليه مكاسب معينه
رغم ان مش في مانع لوجود المكاسب
بس مش بالشكل البراجماتى اللى يخليك ترفض التضحيه لانعدام المنفعه
لكن بالشكل اللى يدفعك لمزيد من العطاء والبذل
ارمى البذره واعتنى بيها وتوكلى على الله .... وسيبي النتيجه كيف يقدرها
خالص تحياتى لقلمك ومدونتك الجميله
فك القيود
اهلا ومرحبا بكي يا سيدتي الجميله
الله علي كلمتك
ارمى البذره واعتنى بيها وتوكلى على
الله .... وسيبي النتيجه كيف يقدرها
هو دا الكلام الكنز في رحله الحياة مش في النتيجة
ويا سلام بقي لو كان في نتيجة
نورتيني جدا
هل إيماننا بالأفكار واعتناقنا للمبادئ يتكون بشرط
ما تحققه لنا من منفعة وسلامة ؟؟
أم أنه إيمان صافي غير مشروط مبني علي
إعمال العقل والقلب..معا؟
اولا لو كنت بعرف اقول شعر كنت هفضل اتغزل في التلت سطور دول بجد لانهم فوق الوصف انا اقعدت اقراهم تلت اربع خمس ست سبع مرات ليه بئى لان بالرغم من انهم مجرد كلمات بسيطة لا يتعدوا في عددهم عشرين كلمة مثلا الا انهم بيمثلوا منهج كامل في الحياة و موضوع معقد جد جدا بجد و يجيب صداع و علشان نقدر نتكلم في الموضوع ده هنتكلم كتير جدا جدا لكن ممكن نحاول نتكلم في من خلال الاجابة البسيطة على السؤالين دول و اللي كان اول سؤال
هل إيماننا بالأفكار واعتناقنا للمبادئ يتكون بشرط
ما تحققه لنا من منفعة وسلامة ؟؟
السؤال ده للاسف بيدفعني اني ارد عليه بسؤال و هوا ايه ان هل من الضروري ان يكون ايماننا واعتناقنا للمبادئ يتكون بشرط ما تحققه لنا من منفعة و سلامة ؟
خلي بالك كلمة الضروري فرقت معايا كتير معرفش ليه بس حسيت انها سابتلي حرية اختيار بأني قد اعتنق مبدأ معين بغض النظر عن تحقيقة منفعة وسلامة ليا معرفش هعتنقه و هؤمن بيه ليه دالما لا يحقق منفعة وسلامة ليا لكن ده اللي هنحاول نعرفه من خلال الكلمات اللي جايه
بمعنى اني اعتقد ان ايماني و اعتناقي للمبدأ معين اللي قد يكون اي مبدأ من مبادئ الحياة او حتى العقيدة نفسها اكيد هيكون بسبب اعتقادي بأن هوا هيحققلي منفعة و سلامة والا ايه اللي هيخليني اعتنق المبدأ ده من البداية و اللي ادراكي للمنفعة و السلامة اللي هيحققها ليا المبدأ ده هيكون مبني اصلا على اعمال عقلي و قلبي .. بعقلي علشان ادرك ايه المنفعة و السلامة ديه و بقلبي علشان ادرك اللي هيعجز عقلي عن تفهمه و خصوصا لو كان متعلق بغيبيات متعلقة بالعقيدة
يا خبر ايه الكلام اللي انا قولته ده اهوا علشان كدا انا اتأخرت في الرد على البوست ده علشان كان عايز مخمخة جامدة اوي اوي اوي المهم نرجع لي موضوعنا السؤالين اللي انتي طرحتيهم دول بالرغم من قد يكونوا مختلفين اللي اني حسيت انهم قد يكونوا وثيقي الصلة ببعضيهم .. مش عارف من ساعة ما قرأت السؤالين دول و في كلمة بتجري في دماغي كدا و بتتنطط قدام عيني و حاسس ان هي الحل للحوار ده كله و هي كلمة السببية بمعنى ان ايماني و اعتناقي لمبدأ بعينه لابد ان يكون له سبب و السبب ده هيكون المنفعة و السلامة اللي هيحققهالي المبدأ ده حتى ايماني الصافي هيكون له سبب و هوا اعمال عقلي و قلبي اللي هيوصلني للسبب اللي هيخليني اعتنق علشانه الفكرة ديه
انا مش عارف ان كلامي مفهوم ولا ملخبط عموما انا منتظر تعليقك لان الموضوع ده عايز دماغ عالية اوي اوي و الحقيقة انا عجبني جدا جدا تحليل بعض الناس للموضوع ده .. عموما منتظر تعقيبك يا فندم و اسف على الاطالة .. تحياتي ليكي .. سلام
شركة تنظيف مجالس بالجبيل
شركة تنظيف مجالس بالقطيف
شركة تنظيف بالجبيل
Post a Comment